| e-texts navigator |
| Wylie |
139b1 མཁན་གྱིས་རི་མོ་བྲིས་པའི་རྩིག་ངོས་ལ་དེ་དག་འཁོད་པར་མི་ནུས་ཤིང་། འབྱར་བར་མི་འགྱུར་བ་དེ་བཞིན་དུ། ཐར་པ་ནི་ཉེས་པ་ཐམས་ཅད་ཀྱིས་མི་གོས་པ་སྟེ། ཐར་པ་གང་ཡིན་པ་དེ་ནི
139b2 དེ་བཞིན་གཤེགས་པའོ། ། མཐའ་ཡས་པ་མཐའ་ཡས་པ་ཞེས་བྱ་བ་ལ། ཐར་པ་ནི་གྲོང་ཕྲག་ལྟ་བུ་མ་ཡིན་ཏེ། མཐའ་ཡས་པ་ནི་ཇི་ལྟར་ནམ་མཁའ་ལ་མཐའ་མེད་པ་དེ་བཞིན་དུ། བདེ
139b3 བའི་རྣམ་པ་མཐའ་ཡས་པ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བསྟན་དུ་མེད་པ་བསྟན་དུ་མེད་པ་ཞེས་བྱ་བ་ནི། ཇི་ལྟར་ནམ་མཁའ་ལ་བྱའི་རྗེས་མི་སྣང
139b4 བ་བཞིན་དུ། ཐར་པ་ནི་བརྟག་པར་དཀའ་བ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཟབ་མོ་ཟབ་མོ་ཞེས་བྱ་བ་ནི། ཤིན་ཏུ་ཤ་ཐང་བས་འཇུག་པའི་ཆོས་ཅན་ཡིན་ཏེ།
139b5 ཇི་ལྟར་ཕ་མ་དཀའ་བ་བྱེད་པའི་ཡོན་ཏན་རྣམས་ཤིན་ཏུ་ཤ་ཐང་བས་འཇུག་པའི་སྒོ་ནས་ཤིན་ཏུ་ཟབ་པ་དེ་བཞིན་དུ། ཐར་པ་ནི་ཟབ་པ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས
139b6 པའོ། ། ཤིན་ཏུ་བལྟ་དཀའ་བ་ཤིན་ཏུ་བལྟ་དཀར་བ་ཞེས་བྱ་བ་ནི། ཇི་ལྟར་མིས་རང་གི་མགོ་བོའི་སྟེང་ཤིན་ཏུ་བལྟ་དཀའ་བ་དེ་བཞིན་དུ། ཐར་པ་ནི་ཉན་ཐོས་དང་རང་སངས་རྒྱས་ཐམས་ཅད་ཀྱིས
139b7 ཀྱང་ཤིན་ཏུ་བལྟ་བར་དཀའ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། གནས་མེད་པ་གནས་མེད་པ་ཞེས་བྱ་བ་ནི། ཁྱིམ་དང་ནམ་མཁའི་ཚིག་བླ་དགས་ཏེ། ཐར་པ་ནི་དེ་ལྟ་མ་ཡིན
iiif viewer powered by OpenSeadragon
