| e-texts navigator |
| Wylie |
138a1 ཆུའི་ནང་ན་པདྨ་ཡོད་པ་ངོ་མཚར་མི་ཆེ་བ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ངོ་མཚར་ཞེས་བྱ་བ་ནི། ཇི་ལྟར་མེའི་ནང་དུ་མེ་ཏོག་པདྨ་རྒྱས་པ་མཐོང་ན་དགའ་བ
138a2 སྐྱེ་བ་དེ་བཞིན་དུ། ཐར་པ་ཡོད་ན་དགའ་བ་སྐྱེ་བར་འགྱུར་རོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྨད་དུ་བྱུང་བ་རྨད་དུ་བྱུང་བ་ཞེས་བྱ་བ་ནི། ཇི་ལྟར་བྱིས་པའི་སོ་རྣམས
138a3 ཕྱིས་སྐྱེས་པ་དེ་བཞིན་དུ། ཐར་པ་ནི་དེ་དུས་ལ་བབ་པ་དང་དུས་ལ་མ་བབ་པ་ལས་འགྱུར་བ་མེད་དོ།། ཡ་མཚན་ཞེས་བྱ་བ་ནི། ཇི་ལྟར་འདོད་ཆེན་པ་རྣམས་ཀྱི་འདོད་ཆེན་པར་ལྷུང་བ།
138a4 སངས་རྒྱས་སུ་འགྱུར་ཞེས་བྱ་བ་ནི་མི་སྲིད་དོ།། གང་གི་ཚེ་དམ་པའི་ཆོས་ལ་དད་པ་དང་ལྡན་པ་འམ། དགེ་བསྙེན་དུ་གྱུར་པ་དེའི་ཚེ་ཐར་པ་ཟད་པར་འགྱུར་རོ་ཞེས་བྱ་བ་ནི་མི་སྲིད་དེ། ཁམས
138a5 དེ་ནི་རང་བཞིན་གྱིས་རྨད་དུ་བྱུང་བའོ། ། དེ་བས་ན་ཐར་པ་ནི་རྨད་དུ་བྱུང་བ་ཞེས་བྱའོ།། འདོད་ཆེན་པའི་ལྟར་དེ་བཞིན་གཤེགས་པ་ནི་ཟད་པ་མེད་པའོ།། དགེ་བའི་རྩ་བའི་སེམས་ལ་དམིགས།
138a6 པ་ལ་ནི་ཆོས་རྣམས་སྐྱེ་བ་མེད་དེ། སྐྱེ་བ་མེད་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དཔག་ཏུ་མེད་པ་དཔག་ཏུ་མེད་པ་ཞེས་བྱ་བ་ནི། ཇི་ལྟར་འབྲུའི་ཕུང་པོ
138a7 འམ་པ་འབྲས་སཱ་ལུའི་ཕུང་པོ་གཞལ་དུ་ཡོད་པ་བཞིན་དུ། ཐར་པ་ནི་དེ་ལྟ་མ་ཡིན་ནོ།། དཔག་ཏུ་མེད་པ་ཞེས་བྱ་བ་ནི། ཇི་ལྟར་རྒྱ་མཚོའི་ཆུ་དཔག་ཏུ་མེད་པ་བཞིན་དུ། ཐར་པའང་དེ་དང
iiif viewer powered by OpenSeadragon
