| e-texts navigator |
| Wylie |
137a1 པའི་ཆོས་ཅན་མ་ཡིན་ནོ། ། གནོད་པ་མེད་པ་ཞེས་བྱ་བ་ནི། ཇི་ལྟར་ཁ་ཟས་མཐུན་པ་ཟབས་རོ་ཞོམ་པའང་མྱོང་ལ། བདུད་རྩིའང་ཟོས་པར་འགྱུར་བ་བཞིན་དུ
137a2 ཐར་པ་ནི་བཞིན་གྱིས་བདུད་རྩི་ལྟ་བུ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། གནོད་པ་མེད་པའི་ཆོས་ཅན་གནོད་པ་མེད་པའི་ཆོས་ཅན་ཞེས་བྱ
137a3 བ་ནི་ང་ཇི་ལྟར་ང་རྒྱལ་གྱིས་ཁེངས་པའི་མི་ང་རྒྱལ་གྱིས་དྲེགས་ཤིང་མྱོས་ནས་ང་མི་འཆིའོ་སྙམ་སྟེ། སྦྲུལ་དང་སྟག་ལ་འཛིན་དུ་རྩོལ་བ་ལས། དེས་ཟིན་ནས་དུས་མ་ཡིན་པའི་འཆི་བས་འཆི་བར
137a4 འགྱུར་བ་དེ་བཞིན་དུ། ང་རྒྱལ་གྱི་ཁེངས་པ་ནི་ཐར་པར་མི་འགྱུར་རོ།། གནོད་པ་མེད་པའི་ཆོས་ཅན་ཞེས་བྱ་བ་ནི། ཇི་ལྟར་འཁོར་ལོ་སྒྱུར་བའི་རྒྱལ་པོའི་འཁོར་བ་རིན་པོ་ཆེའི་གཟི་བརྗིད་ཀྱིས་སྲོག
137a5 ཆགས་གདུག་པ་སྦུར་བུ་དང་། སྦྲུལ་དང་། ཀན་བྷ་དང་། སྡོམ་ལ་སོགས་པའི་རིགས་དགུ་བཅུ་རྩ་དྲུག་པོ་རྣམས་ཀྱིས་ཐག་རིང་པོ་ནས་དེའི་དྲི་ཚོར་བ་ཙམ་གྱིས་འཁར་བ་རིན་པོ་ཆེའི་རང་བཞིན་གྱི་དྲིས
137a6 སྐྲག་ནས་དུག་མེད་པར་འགྱུར་བ་དེ་བཞིན་དུ། ཐར་པ་ནི་རང་བཞིན་གྱིས་སྲིད་པའི་ཉེས་པ་ཉི་ཤུ་རྩ་ལྔ་དང་བྲལ་བ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཉེན་མེད་པ་ཉེན
137a7 མེད་པ་ཞེས་བྱ་བ་ལ། ཐར་པ་ནི་ཨེ་ལ་སྔོན་པོ་དང་ལྗང་ཁུའི་མདོག་ལྟ་བུ་མ་ཡིན་ནོ།། ཉེན་མེད་པ་ཞེས་བྱ་བ་ནི། ཇི་ལྟར་ན་མཁའ་ལ་ཉེན་མེད་པ་བཞིན་དུ། ཐར་པའང་དེ་དང་འདྲ་སྟེ། ཐར་པ
iiif viewer powered by OpenSeadragon
