| e-texts navigator |
| Wylie |
136a1 པོ་མ་ཡིན་པ། སོབ་སོབ་པོ་མ་ཡིན་པ་ཞེས་བྱ་བ་ནི། ལམ་པའི་ཞོའི་བུམ་པ་གས་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ལྕགས་དང་རྡོ་རྗེའི་བུམ་པ་བཞིན་དུ་སོབ་སོང་པོ
136a2 མ་ཡིན་པ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སོབ་སོབ་པོ་མ་ཡིན་པའི་ཆོས་ཅན། སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི། ཇི་ལྟར་ཨེ་རན་དའི་འབྲས
136a3 བུ་བརྡས་ནས་སོས་ཀའི་དུས་སུ་ཁང་ཐོག་ཏུ་བཏིང་ན་ཀུན་ནས་ཙེ་གཙེག་ཟེར་ཞིང་། ཀུན་ནས་འགས་པ་དེ་བཞིན་དུ། ཐར་པ་ནི་དེ་ལྟ་མ་ཡིན་ནོ།། སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི།
136a4 ཇི་ལྟར་ལྕགས་དང་རྡོ་རྗེའི་བུམ་པ་ཤིང་རྟ་པ་སྟོང་གིས་མདས་འཕངས་ཀྱང་ཕིགས་པར་མི་ནུས་པ་དེ་བཞིན་དུ། སོབ་སོབ་པོ་མ་ཡིན་པའི་ཆོས་ཅན་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན
136a5 གཤེགས་པའོ། ། ཅི་བྱར་ཡང་མེད་པ་ཅི་བྱར་ཡང་མེད་པ་ཞེས་བྱ་བ་ནི། ཇི་ལྟར་མི་དབུལ་པོ་ཞིག་ལ་བུ་ཡོན་ཆགས་པ་ལས་ཕྱུག་པོའི་ལག་ཏུ་འོངས་ནས་ཉོན་མོངས་སུ་ཟིན་ཀྱང་། ཅིའང
136a6 འཇལ་དུ་མེད་ནས་བཏང་བ་བཞིན་དུ། ཐར་པ་དེ་ལྟ་མ་ཡིན་ཏེ། ཙོ་བྱར་ཡང་མེད་པ་ཞེས་བྱ་བ་ནི། ཇི་ལྟར་མི་ནོར་བྱེ་བ་བདོག་པ་སུའི་བུ་ལོན་ཡང་མ་ཆགས་པ་དེ་བཞིན་དུ། ཆོས་བྱེ་བ་ཕྲག
136a7 མང་པོ་བདོག་པའི་མཆོག་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཅི་བྱར་ཡང་མེད་པའི་ཆོས་ཅན། ཅི་བྱར་ཡང་མེད་པའི་ཆོས་ཅན་ཞེས་བྱ་བ་ནི། ཇི་ལྟར་མི
iiif viewer powered by OpenSeadragon
