| e-texts navigator |
| Wylie |
135b1 ཐེབས་པ་བཞིན་དུ། མྱ་ངན་ལས་འདས་པ་ནི་དེ་ལྟ་མ་ཡིན་ཏེ། ཇི་ལྟར་རྒྱལ་པོ་གཞན་གྱིས་མ་ཚུགས་ཏེ་དགྲ་དང་བྲལ་བར་གྱུར་ནས་མྱ་ངན་མེད་པ་བཞིན་དུ། ཐར་པ་ཐོབ་པ་རྣམས་ཀྱང་མྱ།
135b2 ངན་མེད་པའོ།། ཐར་པ་གང་ཡིན་པ་དེ་ནི་མྱ་ངན་ལས་འདས་པའོ།། མྱ་ངན་ལས་འདས་པ་གང་ཡིན་པ་དེ་ནི་དེ་བཞིན་གཤེགས་པའོ།། མྱ་ངན་དང་བྲལ་བ་མྱ་ངན་དང་བྲལ་བ་ཞེས་བྱ་བ
135b3 ནིཇི་ལྟར་བུད་མེད་རང་གི་བུ་དམག་ཏུ་སོང་ནས་ཤིའོ་ཞེས་ཐོས་པ་ལས་ཕྱིར་འོངས་པ་མཐོང་ན་མྱ་ངན་དང་བྲལ་བར་འགྱུར་བ་བཞིན་དུ། མྱ་ངན་ལས་འདས་པ་དེ་ནི་དེ་ལྟ་མ་ཡིན་ཏེ། ཐར
135b4 པ་ནི་རྟག་ཏུ་མྱ་ངན་དང་བྲལ་བའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྡུལ་མེད་པ་རྡུལ་མེད་པ་ཞེས་བྱ་བ་ལ། རྡུལ་ཞེས་བྱ་བ་ནི་ས་རྡུལ་དང་ཉལ་ཉི་ལ་ཡིན་ཏེ། ཇི་ལྟར
135b5 དཔྱིད་ཀྱི་དུས་ཕྱི་དྲོ་རླུང་ལངས་པས། རྡུལ་བསླང་བ་བཞིན་དུ། ཐར་པ་ནི་དེ་ལྟ་མ་ཡིན་ནོ།། རྡུལ་མེད་པ་རྡུལ་མེད་པ་ཞེས་བྱ་བ་ནི། ཇི་ལྟར་རྒྱལ་པོའི་གཙུག་གི་ནོར་བུ་དག་པ་དེ་བཞིན
135b6 དུ་རང་བཞིན་གྱིས་རྡུལ་མེད་པ་ནི་ཐར་པའོ། ། ཐར་པ་ཀང་ཡིན་པ་དེ་ནི་དེ་བཞིན་གཤེགས་པའོ།། རྡུལ་དང་བྲལ་བ་རྡུལ་དང་བྲལ་བ་ཞེས་བྱ་བ་ནི། ཇི་ལྟར་ན་གསེར་ཡོངས་སུ་དག་པ་སྟེ།
135b7 གསག་མ་དང་རྡོ་མེད་པར་གྱུར་པ་དབྱིག་ཏུ་རེད་པ། རང་བཞིན་དུ་གྱུར་པ་དེ་བཞིན་དུ། སྐྱོན་བྱང་བའི་རང་བཞིན་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སོབ་སོམ།
iiif viewer powered by OpenSeadragon
