| e-texts navigator |
| Wylie |
135a1 འཇིགས་ནས། ལམ་བདེ་བར་འགྲོ་བ་བཞིན་དུ། ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས་བདེ་བ་དེ་ལ་ནི་འཇིགས་པའི་མིང་ཡང་མེད་དེ། དེ་བས་ན་བཅོས་མ་མ་ཡིན་པའི
135a2 བདེ་བ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སེམས་ཅན་ཐམས་ཅད་ལ་བདེ་བ་བྱེད་པ་ནི་དེ་བཞིན་གཤེགས་པའོ།། གཉེན་པོ་མེད་པ་གཉེན་པོ་མེད་པ་ཞེས་བྱ་བ་ལ
135a3 གཉེན་པོ་མེད་པ་ཞེས་བྱ་བ་ལ། གཉེན་པོ་མེད་པ་ཞེས་བྱ་བ་ནི། ཇི་ལྟར་རྒྱལ་པོ་ཤིར་དོགས་ཤིང་འཇིགས་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཐར་པ་ནི་ཡེ་རང་བཞིན་གྱིས་གཉེན་པོ
135a4 མེད་པའོ། ། གཉེན་པོ་མེད་པ་ཞེས་བྱ་བ་ནི། འཁོར་ལོ་སྒྱུར་བའི་རྒྱལ་པོ་ལྟ་བུ་སྟེ། དེ་ལ་གཞན་སླར་འཇིགས་པར་བྱེད་ནུས་པ་སུའང་མེད་དེ། ཡོད་མི་སྲིད་དོ།། དེ་བཞིན་དུ་ཐར་པ
135a5 ལའང་ཐར་པའི་ཆོས་གཞན་ཟླར་གྱུར་པ་མེད་དེ། ཡོད་མི་སྲིད་དོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བ་ནི་དགྲ་གཞན
135a6 མེད་པ་དེ་བས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་གཉེན་པོ་མེད་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མྱ་ངན་མེད་པ་མྱ་ངན
135a7 མེད་པ་ཞེས་བྱ་བ་ནི། གང་ལ་མྱ་ངན་མེད་པ་སྟེ། ཇི་ལྟར་རྒྱལ་པོ་དཀྲུགས་མ་བྱེད་པའི་རྒྱལ་པོ་གཞན་གྱིས་རྒྱལ་སྲིད་ཕྲོགས་ཏེ། ཡུལ་འཁོར་བཅོམ་ཞིང་བཤོག་པ་ནི་ཤིན་ཏུ་མྱ་ངན་གྱིས
iiif viewer powered by OpenSeadragon
