| e-texts navigator |
| Wylie |
134b1 དེ་བས་ན་འཆི་བ་མེད་པ་ནི་དེ་བཞིན་གཤེགས་པའོ།། ཉོན་མོངས་པ་ཅན་ཉོན་མོངས་པ་ཅན་ཞེས་བྱ་བ་ལ། ཐར་པ་ནི་ནུར་ནུར་པོ་མི་གཙང་བས་མ་རུང་བར་གྱུར་པ་མ་ཡིན་ཏེ། ཐར་པ་ནི།
134b2 ཇི་ལྟར་མེ་ཏོག་ཀུ་མུ་ཏ་དཀར་པོ་བཞིན་དུ་གསལ་བའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འདོད་པའི་ཉེས་པ་སྣ་ཚོགས་བསྟན་པ་ནི་ཐབས་ཡིན་པར་བལྟ་བར་བྱའོ།། དེ
134b3 བས་ན་དེ་བཞིན་གཤེགས་པ་ནི་ཉོན་མོངས་པ་ཅན་མ་ཡིན་ནོ། ། ཟག་པ་མེད་པ་ཟག་པ་མེད་པ་ཞེས་བྱ་བ་ནི། རྨ་མེད་པའི་དོན་ཏེ། དེ་ནི་ཐར་པ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན
134b4 གཤེགས་པ་སྟེ། དེ་བས་ན་ཟག་པ་མེད་པ་ཞེས་བྱའོ།། གནོད་པ་མེད་པ་གནོད་པ་མེད་པ་ཞེས་བྱ་བ་ནི། ཇི་ལྟར་བཀྲེས་པས་གཡོས་བྱེད་པ་མ་མཐོང་ན། གནོད་པར་འགྱུར་བ་དེ་བཞིན
134b5 དུ་ཐར་པ་ནི་དེ་ལྟ་མ་ཡིན་ཏེ། གནོད་པ་མེད་པ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཞི་བ་ཞི་བ་ཞེས་བྱ་བ་ནི། འཇིག་རྟེན་པ་རྣམས་ཀྱིས
134b6 ནི་ལྷའི་གཟུགས་ལ་ཞི་བ་ཞེས་བྱ་བས་ན། དེ་ནི་བརྫུན་ཏེ། ཐར་པ་མ་ཡིན་ནོ།། རང་བཞིན་གྱིས་ཞི་བ་གང་ཡིན་པ་དེ་ནི་དེ་བཞིན་གཤེགས་པ་སྟེ། གང་གི་ཕྱིར་སེམས་ཅན་ཐམས་ཅད་ཀྱི
134b7 ཞི་བའི་མཆོག་ཡིན་པས་ན་དེའི་ཕྱིར་ཞིབ་ཞེས་བྱའོ། ། ཞི་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བདེ་བ་བདེ་བ་ཞེས་བྱ་བ་ནི། ཇི་ལྟ་ཆོམ་རྐུན་གྱིས
iiif viewer powered by OpenSeadragon
