| e-texts navigator |
| Wylie |
134a1 བྱས་ཀྱི་རང་བཞིན་གྱི་རྟོག་པ་དེ་ལྟ་བུ་ནི་ཐར་པ་མ་ཡིན་གྱི། གང་ལ་གོང་དུ་སྨོས་པ་རྣམས་མེད་པ་ཐར་པ་ཡིན་ཏེ། དེ་བས་ན་རྒ་བ་མེད་པ་ཞེས་བྱའོ།། ཐར་པ་གང་ཡིན་པ་དེ་ནི
134a2 དེ་བཞིན་གཤེགས་པ་སྟེ། དེ་བཞིན་གཤེགས་པ་ལ་ནི་མགོ་དཀར་བ་དང་། རྒ་བ་དང་། འདུས་བྱས་ཀྱི་རྣམ་པར་འགྱུར་བ་མེད་དོ།། དེ་བས་ན་དེ་བཞིན་གཤེགས་པ་ནི་རྒ་བ་མེད་པའི་སྐུ
134a3 ཡིན་ན། ། འཆི་བར་ལྟག་ལ་འགྱུར།། ནད་མེད་པ་ནད་མེད་པ་ཞེས་བྱ་བ་ནི། གློ་བུར་གྱི་ནད་བཞི་བརྒྱ་རྩ་བཞིས་གནོད་པར་གྱུར་པ་དང་། ཉེས་དམིགས་དུ་མ་དང་ལྡན་པའི་ལུས་གང
134a4 ལ་མེད་པ་དེ་ལྟ་བུའི་རང་བཞིན་ཡིན་ཏེ། དེ་བས་ན་ཐར་པ་ནི་ནད་མེད་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པ་སྟེ། དེ་བཞིན་གཤེགས་པ་ལའང་ནད་ཀྱི་བག་ཡོང་མེད་ན།
134a5 ཆོས་ཀྱི་སྐུ་ལྟ་ལ་ན་ག་ལ་ཡོད། དེ་བས་ན་དེ་བཞིན་གཤེགས་པ་ནི་ནད་མེད་པའོ།། འཆི་བ་མེད་པ་འཆི་བ་མེད་པ་ཞེས་བྱ་བ་ནི། གང་ལ་མིའི་ལུས་བཞིན་དུ་འཆི་བ་མེད་པའོ།། དེ་ནི
134a6 ཐར་པ་ཡིན་ཏེ། དེ་ལ་ནི་དུས་འདི་ཙམ་གྱིས་ན་ཟད་པའི་མཐར་འགྱུར་པའམ། འཚོ་བའི་མཐར་འགྱུར་རོ་ཞེས་བྱ་བའི་མིང་ཡང་མེད་དེ། འཆི་བ་དང་བྲལ་བ་ནི་ཐར་པའོ།། ཐར་པ
134a7 གང་ཡིན་པ་དེ་ནི་དེ་བཞིན་གཤེགས་པའོ། ། དེ་ལྟ་བུའི་ཡོན་ཏན་དང་ལྡན་པ་ལ་འཆི་བར་འགྱུར་བ་ཞེས་བྱ་བ་དེ་ནི་མི་སྲིད་དེ། ཀླུ་རྡོ་རྗེ་ལྟར་མཁྲེགས་པ་མི་རྟག་པར་ག་ལ་ཞིག་འགྱུར་ཏེ།
iiif viewer powered by OpenSeadragon
