| e-texts navigator |
| Wylie |
133b1 མྱུ་གུ་འབྱུང་བར་འགྱུར་བ་བཞིན་དུ། ཐར་པ་ནི་དེ་ལྟ་མ་ཡིན་ནོ།། མ་བྱུང་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་དེ་ནི་དེ་བཞིན་གཤེགས་པ་སྟེ་མ་བྱུང་བའོ།། དེ་བཞིན་གཤེགས
133b2 པ་ནི་མ་བྱུང་བ་ཁོ་ན་སྟེ། དེ་བཞིན་གཤེགས་པ་ནི་མྱུ་གུ་ཡོད་པ་དང་མེད་པར་འགྱུར་བ་དེ་བཞིན་དུ་ཡོངས་སུ་བརྟག་པར་མི་བྱའོ།། དེ་བཞིན་གཤེགས་པ་ནི་རང་བཞིན་གྱིས་མ་བྱུང་བ་སྟེ།
133b3 དེ་བས་ན་མ་བྱུང་བའོ།། མ་བྱུང་བ་ཞེས་བྱ་བ་ནི་མ་བྱས་པའོ།། མ་བྱས་པ་ཞེས་བྱ་བ་ནི་ཇི་ལྟར་གྲོང་ཁྱེར་དང་། གྲཝའི་ཡང་ཐོག་དང་། སྒོ་ཁང་བྱེད་པ་དེ་བཞིན་དུ། ཐར་པ་ནི་དེ་ལྟ་མ་ཡིན
133b4 ཏེམ་བྱས་པ་གང་ཡིན་པ་དེ་ནི་ཐར་པའོ། ། དེ་ནི་དེ་བཞིན་གཤེགས་པའོ།། འདུས་མ་བྱས་པ་འདུས་མ་བྱས་པ་ཞེས་བྱ་བ་ནི།། ཇི་ལྟར་རྫ་མཁན་གྱིས་སྣོད་བྱས་ནས། དེའི་འོག་ཏུ་ཞིག
133b5 པར་འགྱུར་བ་བཞིན་དུ། ཐར་པ་ནི་དེ་ལྟ་མ་ཡིན་ནོ།། ཐར་པ་ནི་སྐྱེ་བའང་མེད། འགག་པའང་མེད་དོ།། ཐར་པ་གང་ཡིན་པ་དེ་བཞིནི་གཤེགས་པ་སྟེ། སྐྱེ་བའང་མེད། འཆི
133b6 བའང་མེད་དོ། ། གང་སྐྱེ་བ་མེད་པ་དང་། མ་ཞོག་པ་དང་། རྒ་བ་མེད་པ་དང་། འཆི་བ་མེད་པ་དང་། འདུས་མ་བྱས་པ་དེ་ནི་དེ་བཞིན་གཤེགས་པ་སྟེ། དེ་བས་ན་དེ་བཞིན་གཤེགས
133b7 པ་ནི་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའོ། ། རྒ་བ་མེད་པ་དང་འཆི་བ་མེད་པ་ཞེས་བྱ་བ་ནི། མགོ་དཀར་བ་དང་། རྒ་བ་དང་། ན་བ་དང་། འཆི་བའི་ཆོས་དང་། འདུས
iiif viewer powered by OpenSeadragon
