| e-texts navigator |
| Wylie |
133a1 སྩལ་པ། འདི་ནི་སངས་རྒྱས་ཀྱི་ཡུལ་ཡིན་ཏེ། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་གྱིས་ཞོག་ཅིག། དེ་བཞིན་དུ་ཐར་པའང་གཟུགས་དང་གཟུགས་མེད་པ་ཡིན་ལ།
133a2 གཟུགས་ཀྱང་མ་ཡིན་པས་ན། སངས་རྒྱས་ཀྱི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། གསོལ་པ། བཅོམ་ལྡན་འདས་དེ་བཞིན་གཤེགས་པས་ཡོངས་སུ་མྱ་ངན་ལས
133a3 འདས་པ་ཆེན་པོའི་ཚུལ་གྱི་ཐར་པ་བསྟན་དུ་གསོལ། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། ཐར་པ་ཞེས་བྱ་བ་ནི་འཆིང་བ་ཐམས་ཅད་དང་བྲལ་བའོ།། ཡང་བཀའ
133a4 སྩལ་པ། ཐར་ཞེས་བྱ་བ་གང་ཡིན་པ་དེ་ནི། མ་སྐྱེས་པའི་ཕྱིར། དེ་ནི་འཆིང་བ་ཐམས་ཅད་དང་ཤིན་ཏུ་བྲལ་བ་སྟེ། ཇི་ལྟར་ལ་མ་ཕྲད་པའི་ཡོན་ཏན་ལས་བུ་སྐྱེ་བ་དེ་བཞིན་དུ
133a5 སྐྱེས་པ་མ་ཡིན་ཏེ། ཐར་པ་ནི་རང་གི་ཡུལ་དུ་གནས་པའོ།། མ་སྐྱེས་པ་ཞེས་བྱ་བ་ནི། འདི་ལྟར་མར་གྱི་སྙིང་ཁུ་རང་བཞིན་གྱིས་རང་གི་ངོ་བོ་ཉིད་དུ་འདུག་པ་དེ་བཞིན་དུ། དེ་བཞིན
133a6 གཤེགས་པ་ནི་ཡབ་ཡུམ་འཁྲིག་པ་ལས་བྱུང་བའང་མ་ཡིན་ལ། དེ་བཞིན་གཤེགས་པས་ནི་གདུལ་བར་བྱ་བའི་དབང་གིས་ཡབ་ཡུམ་གཉིས་ཀྱང་བསྟན་ཏོ།། ཐར་པ་གང་ཡིན་པ་དེ་ནི་དེ་བཞིན
133a7 གཤེགས་པ་སྟེ། མ་བྱུང་བར་བྱུང་བའི་ཕྱིར་རོ།། དཔེར་ན་སྲན་སྡེའུ་འམ་སྲན་ཟེའུ་དཔྱིད་ཟླ་ར་བའི་ངོ་འམ། དབྱར་གྱི་དུས་སམ། སྟོན་ཟླ་ཐ་ཆུང་གི་ངོ་ལ་ས་བོན་བཏབ་ན་དེ་དག་ལས
iiif viewer powered by OpenSeadragon
