| e-texts navigator |
| Wylie |
132b1 བཀའ་སྩལ་པ། རིགས་ཀྱི་བུ་སྲོག་ཆགས་རྨས་པ་ཐམས་ཅད་ཀྱི་ནད་གསོ་བར་བྱེད་ཅེས་དེ་སྐད་མ་ཟེར་ཅིག། གསོར་མི་རུང་བའི་སེམས་ཅན་གཞན་རྣམས་ནི་གསོ་བར་མི་བྱེད་དོ།། དེ་ཅིའི་ཕྱིར་ཞེ་ན།།
132b2 དེ་དག་གི་ནད་ནི་གསོར་མི་རུང་བ་ཡིན་ཏེ། དེ་བཞིན་དུ་དེ་བཞིན་གཤེགས་པ་ནི་གསོར་མི་རུང་བའི་ནད་འདོད་ཆེན་པོ་མ་གཏོགས་པར། ནད་པ་ཐམས་ཅད་གསོ་བར་མཛད་དེ། གང་མྱ་ངན་ལས
132b3 འདས་པ་དེ་དག་གསོས་པ་ཡིན་ནོ། ། གསོལ་པ། ཐར་པ་ཇི་ལྟ་བུ་ལགས། གཟུགས་ཅན་ལགས་སམ། གཟུགས་མ་མཆིས་ལགས། བཀའ་སྩལ་པ། ཁ་ཅིག་ནི་གཟུགས་ཅན་ནོ།།
132b4 ཁ་ཅག་ནི་གཟུགས་ཅན་མ་ཡིན་པ་སྟེ། གཟུགས་ཅན་མ་ཡིན་པ་ནི་ཉན་ཐོས་དང་རང་སངས་རྒྱས་རྣམས་ཀྱིའོ།། སངས་རྒྱས་བཅོམ་ལྡན་འདས་རྣམས་ཀྱི་ནི་གཟུགས་ཅན་ཡིན་ནོ།། ཐར་པ་དེ་ནི
132b5 གཟུགས་དང་གཟུགས་མེད་པ་ཡིན་ལ། གཟུགས་མ་ཡིན་ནོ་ཞེས་བྱར་ཡང་མི་རུང་ངོ་།། གསོལ་བ། ཅིའི་སླད་དུ་ལགས། བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ
132b6 དཔེར་ན་འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་ཀྱི་ལུས་ནི་གཟུགས་དང་གཟུགས་མེད་པ་ཡིན་ལ། གཟུགས་ཡིན་ནོ་ཞེས་བྱར་ཡང་མི་རུང་བ་བཞིན་ནོ།། གསོལ་བ།། འདུ་ཤེས་མེད་འདུ
132b7 ཤེས་མེད་མིན་གྱི་ལྷ་རྣམས་གཟུགས་དང་། གཟུགས་མ་མཆིས་པ་ལགས་ལ། གཟུགས་ཀྱང་མ་ལགས་ན། དེ་དག་ཇི་ལྟར་མ་མཆིས་པ་དང་། ཇི་ལྟར་རྒྱུ་བ་བསྟན་དུ་གསོལ། བཀའ
iiif viewer powered by OpenSeadragon
