| e-texts navigator |
| Wylie |
132a1 ཁྱིམ་གཞན་གང་ན་རྨས་པ་ཡོད་པ་དང་། གང་ན་རྨའི་ལས་བྱར་ཡོད་པ་དེ་ན་གནས་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
132a2 སྨན་པ་ཆེན་པོ་ཟུག་རྔུ་འབྱིན་པས་ཀྱང་། འཛམ་བུ་གླེང་པའི་སེམས་ཅན་བསྐལ་པ་བྱེ་བ་ཕྲག་གྲངས་མེད་པ་ཚུན་ཆད་ནས། འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན།
132a3 མོངས་པའི་དུག་གིས་ཕོག་པའི་སེམས་ཅན་ཤིན་ཏུ་རྨས་པ་ཐམས་ཅད་ཀྱི་ཟུག་རྔུ་རྣམས་ཐེག་པ་ཆེན་མདོའི་སྡེ་ཚན་སྣ་ཚོགས་ཀྱི་དགེ་བའི་རྩ་བའི་སྨན་རྣམས་ཀྱིས་གསོ་བར་མཛད་དོ།། གསོས་ནས
132a4 ཀྱང་དེ་རྣམས་མྱ་ངན་ལས་འདས་ཏེ། གང་ནས་སེམས་ཅན་རྨས་པ་རྣམས་ཡོད་པ་དེར། བཅོམ་ལྡན་འདས་ཡང་དག་པར་སྣང་བར་འགྱུར་རོ།། དེ་བས་ན་མྱ་ངན་ལས་འདས་པ་ཆེན་པོ་ནི། ཡང་དག
132a5 པའི་དོན་ལ་རྟོག་པ་ཡིན་ནོ། ། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་བ་ནི་སྲིད་པ་ཐམས་ཅད་ན་ཐར་པའི་གྲོང་ཁྱེར་གྱི་ཆོ་ག་བླ་དགས་ཡིན་ཏེ། གང་ལ་གདུལ་བར་བྱ་བ་རྣམས་ཡོད་པ་དེར་རྫོགས
132a6 བར་སངས་རྒྱས་པར་སྣང་བ་འདི་ནི་ཆོ་ག་གྲགས་པའོ། ། གསལ་བའོ།། ཡང་དག་པའི་དོན་ནི་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། གསོལ་པ། བཅོམ་ལྡན་འདས་ཅི་ལགས། སྨན
132a7 བས་རྨས་པ་ཐམས་ཅད་སོས་པར་བགྱིས་ནས། ཡུལ་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་གཞན་གང་ན་རྨས་པ་རྣམས་མཆིས་པ་དེར་སྣང་བར་འགྱུར་རོ་ཞེས་བགྱི་ལགས་སམ།
iiif viewer powered by OpenSeadragon
