| e-texts navigator |
| Wylie |
131a1 བོས་མ་ཡིན་པས་ན། དེ་དག་ནི་ཡན་ཚྭ་དང་ཏིལ་ཙམ་ཡང་ཡོངས་སུ་བསགས་པར་མི་བྱེད་དོ།། གང་དག་བཅོམ་ལྡན་འདས་ཀྱིས་བདག་ཅག་པ་བྲན་དང་བྲན་མོ་ལ་སོགས་པ་འཆང
131a2 དུ་གནང་ངོ་ཞེས་ཟེར་བ་དེ་དག་གི་ལྕེ་ནི་ལྐུགས་པར་འགྱུར་སྲིད་དོ། ། ཉན་ཐོས་དེ་དག་ནི་ཡོངས་སུ་བསགས་པ་མེད་པའི་རྣམ་པ་ཡིན་ཏེ། དེ་དག་ནི་ཟས་ཡོངས་སུ་ཤེས་པའོ།། གང་དག་ཟས་ལ་ཞེན་པ
131a3 མེད་པ་དེ་དག་ནི་ཟས་ཡོངས་སུ་ཤེས་པ་ཡིན་ནོ། ། དེ་དག་ནི་འགྲོ་བའི་ལམ་དུ་རྗེས་བཅད་པ་དཀའ་འོ།། དེ་དག་ནི་མྱུར་བ་ཁོ་ནར་སངས་རྒྱས་ཉིད་དུ་ཉེ་བར་གནས་སོ།། དེ་དག་གི་འགྲོ་བ་ནི་རྗེས་བཅད
131a4 པ་དཀའ་འོ་ཞེས་དེ་བཞིན་གཤེགས་པ་གསུང་ངོ་། ། ཡང་བཀའ་སྩལ་པ། གལ་ཏེ་འདུས་བྱས་ཀྱི་དགེ་འདུན་ལའང་ཡོངས་སུ་བསགས་པ་མེད་ན། འདུས་མ་བྱས་པའི་དགེ་འདུན་ལ
131a5 ལྟ་ག་ལ་ཡོད། འདུས་མ་བྱས་པའི་དགེ་འདུན་ནི་དེ་བཞིན་གཤེགས་པ་ལ་གསང་བའི་ཆོས་བསྟན་པ་ག་ལ་ཡོད། གསང་བ་གང་ཡིན་པ་དེ་ནི་ཡོངས་སུ་བསགས་པའོ།། རྗེས་བཅད་དུ་མེད་པ
131a6 ནི་མི་གཡོ་བའི་བདེ་བ་སྟེ། མྱ་ངན་ལས་འདས་པའི་དོན་ཏོ།། དེ་ལ་ནི་ན་མཁའ་ཡང་མེད། ལོ་དང་། ཉི་མ་དང་། ཟླ་བ་རྣམས་ཀྱིས་ཀྱང་བྱར་མེད། མཇུག་རིངས་དང་། སྐར་མའི་ཚོགས
131a7 རྣམས་དང་། རི་རྣམས་དང་། དུས་དང་། སྤྲིན་རྣམས་ཀྱང་མེད་དེ། སྐྱེ་བའི་རྒྱུན་ཆད་པ། འཆི་བ་དང་། ན་བ་དང་། རྒ་བ་དང་། སྲིད་པ་ཉི་ཤུ་རྩ་ལྔ་སྤངས་པ། སྡུག་བསྔལ་གྱི་རྣམ
iiif viewer powered by OpenSeadragon
