| e-texts navigator |
| Wylie |
130b1 ཡོངས་བསགས་མེད། ། གང་དག་གིས་ནི་ཟས་མི་རྟོགས།། མཁའ་ལ་བྱ་རྣམས་རྗེས་འདྲ་བ།། དེ་དག་རྗེས་བཅད་དཀའ་བ་ཡིན།། བསྟན་པ་འདི་འདིའི་དོན་ཇི་ལྟ་བུ་ཞེ་ན། སུ་དག་ལ་ནི།།
130b2 ཡོངས་བསགས་མེད།། སུ་དག་གི་ནི་ཟས་མི་རྟོགས།། གང་དག་གི་ནི་རྗེས་བཅད་དཀའ།། སུ་སོང་གང་སུ་སོང་བ་ན།། དེ་དག་རྗེས་བཅད་དཀའ་བ་ཡིན།། དེ་ལ་རིན་པོ་ཆེ་ལ་སོགས
130b3 པ་ནི་བསགས་པའོ། ། ཡོངས་ཞེས་བྱ་བ་ནི་ཕྲད་ཀྱི་བྱེ་བྲག་གི་ཚིག་གོ།། ཡོངས་སུ་ཤེས་བྱ་བ་ནི་བསྡུས་པའི་དོན་ཏེ། འདིར་རྫས་བཟང་པོ་བསྒྲུབ་པའི་ཐ་ཚིག་གོ།། བསགས་པ་ཞེས་བྱ་བ་དང་།། ནོར་ཞེས
130b4 བྱ་བ་ནི་དོན་གཅིག་གོ། ། གང་དག་ནོར་ཡོངས་སུ་བསགས་པར་བྱེད་པ་དེ་ནི། དེ་དག་གི་ཡོངས་སུ་བསགས་པ་ཞེས་བྱའོ།། དེ་ལ་ཡོངས་སུ་བསགས་པ་ཞེས་བྱ་བ་ནི་རྣམ་པ་གཉིས་ཏེ། འདུས་བྱས
130b5 ཡོངས་སུ་བསགས་པ་དང་། འདུས་མ་བྱས་ཡོངས་སུ་བསགས་པའོ།། དེ་ལ་ཉན་ཐོས་ནི་འདུས་བྱས་ཡོངས་སུ་བསགས་པའི་རྣམ་པའོ།། དེ་བཞིན་གཤེགས་པ་ནི་འདུས་མ་བྱས་པ་ཡོངས་སུ
130b6 བསགས་པའི་རྣམ་པའོ། ། དགེ་འདུན་ནི་རྣམ་པ་གཉིས་ཏེ། འདུས་བྱས་ཀྱི་དགེ་འདུན་དང་། འདུས་མ་བྱས་ཀྱི་དགེ་འདུན་ནོ།། དེ་ལ་འདུས་བྱས་ཀྱི་དགེ་འདུན་ཞེས་བྱ་བ་ནི། ཉན་ཐོས་ཀྱི་དགེ
130b7 འདུན་ཡིན་ཏེ། ཉན་ཐོས་ཀྱི་དགེ་འདུན་ལ་ནི་ཡོངས་སུ་བསགས་པའང་མེད་ན། བྲན་དང་བྲན་མོ་ལ་སོགས་པ་རྫས་ངན་པ་རྣམས་དང་། མཛོད་དང་བང་བ་ཡོངས་སུ་འཛིན་པ་ལྟ་ག་པ་ཡོད་དེ།
iiif viewer powered by OpenSeadragon
