| e-texts navigator |
| Wylie |
130a1 ཁྱིམ་བདག་བྲན་གཟའ་ཅན་གྱི་གལ་ཏེ་བརྡ་སྤྲོད་པའི་དོན་སློབ་པར་མ་བྱེད་ན་ནི། དེ་ལྟར་ན་སེར་སྣ་བྱེད་པའི་ཕྱིར་གསང་བ་ཞེས་བྱའོ།། གལ་ཏེ་བརྡ་སྤྲོད་པའི་དོན་བསྟན
130a2 ནནི། བྱིས་པས་བརྡ་སྤྲོད་པ་རྫོགས་པར་ལོབས་པར་འགྱུར་བ་དེ་བཞིན་དུ། ངའང་ཉན་ཐོས་རྣམས་ལ་ཇི་སྲིད་དུ་ཐེག་པ་ཆེན་པོའི་སྣོད་དུ་མ་གྱུར་པ་དེ་སྲིད་དུ་གསུང་རབ་ཡན་ལག་དགུ་སྟོན་ཏེ།
130a3 གལ་ཏེ་ངས་སེམས་ཅན་སྣོད་དུ་གྱུར་པ་རྣམས་ལ་ཐེག་པ་ཆེན་པོ་བསླབ་པ་གསང་བར་བྱས་ན་ནི། དེ་ལྟར་ན་ང་ལ་བརྡ་སྤྲོད་པ་དང་འདྲ་བར་བྱས་སོ་ཞེས་སྨྲ་བའི་རིགས་སོ།། ད་ནི་ངས་བརྡ
130a4 སྨོསྤྱོད་པ་དང་འདྲ་བར་དེ་བཞོན་གཤེགས་པ་རྟག་པ་དང་བརྟན་པར་བསྟན་ཏེ། ཁྱིམ་བདག་བྲན་གཟའ་ཅན་དང་འདྲ་བར་རང་གི་སྲས་ཚར་ཕྱིན་པར་མཛད་དེ། དེ་ལྟར་ན་རིག་པ་ཐམས
130a5 ཅད་ཚར་ཕྱིན་པར་བྱེད་པ་བཞིན་དུ་ཚར་ཕྱིན་པར་བྱེད་དོ། ། རིགས་ཀྱི་བུ་གཞན་ཡང་དཔེར་ན་དབྱར་གྱི་སྤྲིན་ཆེན་པོ་རྣམས་འབྲུག་ཀྱང་དི་རི་རིར་སྒྲོགས་ཤིང་ཆར་ཆེན་པོ་འབེབས་སུ་ཟིན
130a6 ཀྱང་སེམས་ཅན་ཁ་ཅིག་གོས་ས་བོན་མ་སྐྱེས་ན། ཅི་དེ་ལ་སྤྲིན་ཆེན་པོ་རྣམས་ཀྱིས་ཉེས་སམ། ཅི་སྤྲིན་ཆེན་པོ་རྣམས་ཆར་མི་འབེབས་སམ། དེ་བཞིན་དུ་དེང་ངས་ཡོངས་སུ་མྱ་ངན
130a7 ལས་འདས་པ་ཆེན་པོ་གསང་ཆེན་མ་ལུས་པར་བསྟན་ཀྱང་། སེམས་ཅན་སྣོད་དུ་མ་གྱུར་པ་གང་ཡིན་པ་དེ་དག་གིས་མི་ཐོས་སོ།། ཡང་བཀའ་སྩལ་པ། གང་དག་ལ་ནི
iiif viewer powered by OpenSeadragon
