| e-texts navigator |
| Wylie |
129b1 གསང་བར་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བུའི་ཤེས་པའི་རྩ་ལ་དང་། ཡིད་རྣོ་རྟུལ་དེ་འདྲ་བ་དང་། ཤེས་པའི་རྩ་ལ་དང་མི་ལྡན་པའི་རྒྱུས་ན། དེ་ལ་གསབ
129b2 བ་དང་འདྲ་བར་གདའ་བར་འགྱུར་ལགས་སོ། ། དེ་ལ་ཡིད་མི་བདེ་བ་དང་། གཡོ་ང་། སེར་སྣ་གང་ལགས་པ་དེ་ནི་གསང་བ་ལགས་པར་རིག་པར་བགྱིའོ།། དད་པ་དང་དགའ་བས་བུ
129b3 གཅིག་པའི་འདུ་ཤེས་དང་ལྡན་པ་གང་ལགས་པ་དེ་ནི། གསང་བ་ཞེས་མི་བགྱི་ལགས་སོ།། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་ལེགས་སོ།། སྡང
129b4 བ་དང་། གཡོ་དང་། སེར་སྣ་དང་ལྡན་པ་གང་ཡིན་པ་དེ་ནི་གསང་བ་ཡིན་ཏེ། དེའི་སྟོབས་དང་བྱམས་པས་ཀྱང་། ཁྱིམ་བདག་བྲན་གཟའ་ཅན་དེ་སྟོན་པར་མི་བྱེད་པ་དེ་བཞིན་དུ། ཁྱིམ་བདག
129b5 བྲན་གཟའ་ཅན་ལྟར་ང་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པ་དང་ལྡན་མོད་ཀྱི། བྱིས་པ་དེ་དག་གིས་མི་བཟོད་པའི་ཕྱིར། ང་དགོངས་པའི་ཚིག་མི་སྟོན་ཏེ། ངས་ཡི་གེ།
129b6 བྱེད་པ་འདྲ་བར་ནི་གསུང་རབ་ཡན་ལག་དགུ་བསྟན་ཏོ།། བརྡ་སྤྲོད་པ་དང་འདྲ་བར་ནི། སྟོབས་བཅུ་དང་། འཕགས་པའི་བདེན་པ་བཞི་དང་། འཕགས་པའི་ལམ་ཡན་ལག་བརྒྱད
129b7 པ་དང་། ཐེག་པ་ཆེན་པོ་ཤིན་ཏུ་རྒྱས་པའི་བརྡ་སྤྲོད་པར་བསྟན་ཏོ།། རིགས་ཀྱི་བུ་གཞན་ཡང་གང་གི་ཚེ་ཡི་གེ་ཕྱེད་པ་བསླབས་ནས། སྒྲ་རིག་པའི་འོས་སུ་གྱུར་པ་དེའི་ཚེ།
iiif viewer powered by OpenSeadragon
