| e-texts navigator |
| Wylie |
128b1 མཆོག་ཏུ་རྟག་པ་གང་ཡིན་པ་དེ་ན་དེ་བཞིན་གཤེགས་པ་སྟེ། དེ་བས་ན་མྱ་ངན་ལས་འདས་པ་ནི་རྟག་ཏུ་མཆོག་ཏུ་བདེ་བ་ཡིན་ནོ།། རིགས་ཀྱི་བུ་གཞན་ཡང་མར་མེའི་གནས་དང་འདྲ་བ
128b2 ནི་དགྲ་བཅོམ་པ་ཡིན་ཏེ། དེ་བས་ན་མྱ་ངན་ལས་འདས་པའི་གནས་དགྲ་བཅོམ་པ་ཉིད་ཐོབ་པ་ནི་འབྲས་བུའི་མཆོག་ཅེས་བྱའོ།། དགྲ་བཅོམ་པ་ཐམས་ཅད་ནི་ཟང་ཟིང་གི་ཞེན་པ་དང་བྲལ
128b3 ཏེ་ཟང་ཟའི་མེད་པ་དང་མར་མེའི་གནས་བཞིན་དུ་མཐར་ཐུག་པ་དང་ཟང་ཟའི་མེད་པ་ལ་དགའ་བ་ཡིན་ནོ། ། ཕྱིར་མི་འོང་བའང་ཟང་ཟིང་མེད་པའི་དོན་ཡིན་པར་ངས་དགོངས་པའི་ཚིག
128b4 གོས་བསྟན་ཏེ། མྱ་ངན་ལས་འདས་པའི་གནས་ནི་མ་ཡིན་ནོ།། གསོལ་པ། ཕྱིར་མི་འོང་བ་ཞེས་བཀའ་སྩལ་པ་དེའི་དོན་ཅི་ལགས། བཀའ་སྩལ་པ། ཡང་སྲིད་པ་ལེན་པ་གང་ཡིན
128b5 པ་དེ་ནི་ཕྱིར་མི་འོང་བ་ཞེས་བྱའོ། ། གསོལ་པ། བཅོམ་ལྡན་འདས་ཕྱིར་མི་འོང་བ་ཞེས་བགྱི་བ་ལགས་ན། ཕྱིར་མི་འོང་བ་གང་ལགས་པ་དེ་ལའང་ཡང་སྲིད་པ་ལེན་པ་མཆིས་པར་འགྱུར་ན།
128b6 ཅིའི་སླད་དུ་ཕྱིར་མི་འོང་བའང་སླར་འདིར་རང་བཞིན་གྱི་མི་གཙང་བའི་སྲིད་བུ་འཚལ་བའི་ལུས་ཅན་དུ་སྐྱེ་བར་མི་འགྱུར་ལགས། བཀའ་སྩལ་པ། ལུས་དེ་ནི་མི་ལེན་མོད་ཀྱི།། དུག་སྨན
128b7 བཞིན་དུ་ལུས་ལེན་ཏོ། ། དེ་བས་ན་ཕྱིར་མི་འོང་བ་ཞེས་བྱའོ།། ཕྱིར་མི་འོང་བ་ཞེས་བྱ་བ་ནི། ལུས་ཞེས་བྱ་བའི་ཐ་ཚིག་གོ།། ཕྱིར་མི་འོང་བ་ཞེས་བྱ་བ་ནི། ཕན་ཚུན་འགྲོ་ཞེས་བྱ་བའི་ཐ་ཚིག
iiif viewer powered by OpenSeadragon
