| e-texts navigator |
| Wylie |
128a1 འདིར་ཇི་ལྟར་མར་མེ་གུམ་པ་གང་དུ་མཆི་བའི་གནས་གདགས་སུ་མ་མཆིས་པར་བཀའ་སྩལ་པ་དེ་བཞིན་དུ། དེ་བཞིན་གཤེགས་པའི་མྱ་ངན་ལས་འདས་པའི་གནས་ཀྱང་དེ
128a2 དང་འདྲ་བར་གསུངས་ན། ཇི་ལྟར་དེ་བཞིན་གཤེགས་པ་རྟག་པ་དང་། བརྟན་པ་དང་།། ཐེར་ཟུག་པ་ལགས། བཀའ་སྩལ་པ། རིགས་ཀྱི་བུ་མྱ་ངན་ལས་འདས་པ་ནི་མར་མེའི་གནས་དང་འདྲ
128a3 བར་མ་བཤད་དེ། རིགས་ཀྱི་བུ་འདི་ལྟར་སྐྱེས་པ་འམ། བུད་མེད་གང་ཡང་རུང་བ་ཞག་གིས་སྣོད་ཆེན་པོ་འམ། ཆུང་ངུའང་རུང་སྟེ། མར་རམ་ཏིལ་མར་གྱིས་བཀང་ནས་མར་མེ་སྤར་ན
128a4 མར་མེའི་མེ་ལྕེ་དེ་ཏིལ་མར་ཇི་སྲིད་ཡོད་པ་དེ་སྲིད་དུ་འབར་ལ། ། ཏིལ་མར་ཟད་ནས་མར་མེ་ཟད་པར་འགྱུར་རོ།། དེ་ལ་ཉོན་མོངས་པ་ཟད་པ་ནི། མར་མེ་ཟད་པ་དང་འདྲ་བར་བསྟན། དེ་བཞིན
128a5 གཤེགས་པ་ནི་སྣོད་བཞིན་དུ་རྟག་པ་ཡིན། ། ཉོན་མོངས་པ་ཟད་པ་ནི་མར་མེ་དང་ཏིལ་མར་དང་འདྲ་ན། ཅི་སྣོད་ཀྱང་མར་མེ་དང་མགོ་མཉམ་དུ་མེད་པར་འགྱུར་རམ། གསོལ་པ། བཅོམ་ལྡན
128a6 འདས་དེ་ནི་མ་ལགས་ཏེ། སྣོད་ནི་མ་མཆིས་པར་མི་འགྱུར་ལགས་ན། ཅི་ལགས། དེ་བཞིན་གཤེགས་པའང་སྣོད་དང་འདྲ་བ་རབས་པར་འགྱུར་རམ། གལ་ཏེ་དེ་བཞིན་གཤེགས་པའང་ཏིལ་མར་གྱི
128a7 སྣོད་དང་འདྲ་ན་ནི། ། དེ་བཞིན་གཤེགས་པའང་ཟད་པར་འགྱུར་བར་བཀའ་སྩལ་པར་མི་འགྱུར་ལགས་སམ། བཀའ་སྩལ་པ།། དེ་བཞིན་གཤེགས་པ་ནི་སྣོད་དང་འདྲ་བ་མ་ཡིན་ཏེ
iiif viewer powered by OpenSeadragon
