| e-texts navigator |
| Wylie |
127b1 འདི་ནི་འཇིག་རྟེན་གྱུར་བྱེད་པ་ཡིན་ནོ་སྙམ་དུ་ཡང་དག་པར་ཤེས་སོ། ། དེ་ལྟར་སྟོན་དུ་ཟིན་ཀྱང་དེ་བཞིན་གཤེགས་པ་ནི་ལས་དེ་བྱེད་པ་མ་ཡིན་ཏེ། འཇིག་རྟེན་ཐམས་ཅད་དང་མཐུན་པར་བྱ་བ
127b2 ནི་འཇིག་རྟེན་བསྒྲལ་བའི་ཕྱིར་རོ། ། དེ་བཞིན་དུ་བྱང་གི་སྒྲ་མི་སྙན་དང་། ཤར་གྱི་ལུས་འཕགས་དང་། ནུབ་ཀྱི་བ་གླང་སྤྱོད་རྣམས་དང་། སྲིད་པ་ཉི་ཤུ་རྩ་ལྔ་དག་ཏུའང་འཇིག་རྟེན་པ
127b3 དང་མཐུན་པར་བྱ་བའི་སྒོ་ནས་དེ་དང་དེ་དག་དེ་བཞིན་དུ་སྦྱར་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བརྗོད་པའང་དཔའ་བར་འགྲོ་བའི་ཏིང་ངེ་འཛིན་གྱི་ལུགས་བཞིན་དུ་སྦྱར་བར
127b4 བྱའོ། ། དེ་བཞིན་གཤེགས་པས་བྱ་བ་ཆེན་པོ་ཐམས་ཅད་བསྟན་པའི་ཕྱིར། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་སྟེ། འདི་ལ་གནས་བྱང་ཆུབ་སེམས་དཔའ་སེམས་དཔའ
127b5 ཆེན་པོ་ནི། བྱ་བ་ཆེན་པོ་ཐམས་ཅད་དང་། ཆོ་འཕྲུལ་ཆེན་པོ་དང་། མི་འཇིགས་པ་འགོད་པར་བྱེད་པས་ན་རྟག་པ་ཆེན་པོ་ཞེས་བྱ་སྟེ། ཇི་ལྟར་བྱེད་ཅེས་དྲི་བར་མི་བྱའོ།། དེ་བཞིན་གཤེ
127b6 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། སྒྲ་གཅན་ཟིན་གྱི་ཕར་གྱུར་པར་བསྟན་པའི་ཐབས་ལ་འཇུག་པ་ལྟ་བུས་འཇོག་རྟེན་དང་མཐུན་པར་མཛད་དོ་སྙམ་དུ་ཁོང་དུ
127b7 ཆུད་པར་བྱ་སྟེ། བསྐལ་པ་བྱེ་བ་ཕྲག་དུ་མ་ནས་འདོད་པའི་ཆུ་བོ་ལས་བརྒལ་ཟིན་པས་ན། དེའི་ཕྱིར་དེ་བཞིན་གཤེགས་པ་ནི། རྟག་པ་དང་། བརྟན་པ་དང་། ཐེར་ཟུག་པ་ཡིན་ནོ།། གསོལ་པ
iiif viewer powered by OpenSeadragon
