| e-texts navigator |
| Wylie |
127a1 བསྐལ་པ་བྱེ་བ་ཕྲག་གྲངས་མེད་པ་ནས་རབ་ཏུ་འབྱུང་བ་དེ་ཁོ་ན་ཉིད་ཀྱི་དོན་མཐར་ཐུག་ཟིན་བཞིན་དུ། ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་འབྱུང་བར་སྟོན་ཏེ། དེ་དག
127a2 བར་བསྒྲལ་བའི་ཕྱིར་རོ། ། དེ་བཞིན་གཤེགས་པ་ནི་རྟག་ཏུ་རང་བཞིན་གྱི་སྐུར་གནས་མོད་ཀྱི། སེམས་ཅན་ཐམས་ཅད་ངེས་པར་བསྒྲལ་བའི་ཕྱིར། བཟོའི་གནས་ཐམས་ཅད་དུའང་སློབ
127a3 དཔོན་བྱེད་དེ། རིག་སྔགས་དང་། གསང་སྔགས་དང་། སྤྲུལ་པ་ཐམས་ཅད་ཀྱང་སྟོན་ལ། ཡ་མཚན་ཅན་ཐམས་ཅད་ཀྱི་རྒྱགས་པ་དང་ང་རྒྱལ་བཅོམ་ནས། དེ་དག་ལ་ཤིང་བ་ལ
127a4 ལྟ་བུར་སྙིང་པོ་མེད་པ་ཡང་དག་པར་སྟོན་ཅིང་། དེ་དག་དམ་པའི་ཆོས་ལ་འཛུད་པར་བྱེད་པ་འདི་ནི། འཇིག་རྟེན་དང་མཐུན་པར་བྱ་བ་ཡིན་ཏེ། དེར་སེམས་ཅན་ལྟ་བུའི་འདུ་ཤེས་ཅན
127a5 རྣམས་ཀྱིས། སེམས་ཅན་འདི་ནི་འཇིག་རྟེན་པའོ་སྙམ་དུ་ཡང་དག་པར་ཤེས་མོད་ཀྱི། དེ་བཞིན་གཤེགས་པ་ནི་འཇིག་རྟེན་པ་མ་ཡིན་གྱི། འཇིག་རྟེན་ལས་འདས་པའི་ཆོས་གཟིགས་པ
127a6 ཡིན་ནོ། ། འཛམ་བུའི་གླིང་ལ་ལར་ནི། འཇིག་རྟེན་དང་མཐུན་པར་བྱ་བས་ངེས་པར་བསྒྲལ་བའི་ཕྱིར། བྲན་དང་བྲན་མོར་ཡང་སྟོན་ཏེ། སེམས་ཅན་རྣམས་ཀྱི་བྲན་དང་བྲན་མོའོ་སྙམ
127a7 དུ་ཡང་དག་པར་ཤེས་པ་དེ་ནི། རིགས་དམའ་བར་སྟོན་པ་ཡིན་ནོ།། འཛམ་བུའི་གླིང་ལ་ལར་ནི། ངས་འཇིག་རྟེན་པའི་བྱ་བ་ཐམས་ཅད་བསྟན་ཏེ། སེམས་ཅན་རྣམས་ཀྱིས་སེམས་ཅན
iiif viewer powered by OpenSeadragon
