| e-texts navigator |
| Wylie |
126b1 ལ་པར་ནི། མུ་གེའི་བར་གྱི་བསྐལ་པའི་ནང་དུ། བཀྲེས་ཤིང་ཉམ་ཆུང་བའི་སེམས་ཅན་རྣམས་བདུད་རྩིའི་ཟས་ཀྱིས་ཚིམ་པར་བྱས་ནས། དམ་པའི་ཆོས་ལ་འཛུད་པར་བྱེད་དེ། སེམས་ཅན
126b2 རྣམས་ཀྱི་མུ་གེའི་བར་གྱི་བསྐལ་པའོ་སྙམ་དུ་ཡང་དག་པར་ཤེས་སོ། ། འཛམ་བུའི་གླིང་ལ་ལར་ནི། མཚོན་གྱི་བར་གྱི་བསྐལ་པ་བསྟན་ཏེ། དེ་དག་འཚོགས་ཤིང་གཅིག་ལ་གཅིག་གསོད་པའི་དུས་ལ
126b3 བབ་པ་ན། དེ་དག་དམ་པའི་ཆོས་ལ་འཛུད་པར་བྱེད་དེ། སེམས་ཅན་རྣམས་ཀྱིས་མཚོན་གྱི་བར་གྱི་བསྐལ་བའོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང་ལ་ལར་ནི། སེམས་ཅན
126b4 རྟག་པའི་འདུ་ཤེས་ཅན་རྣམས་ལ་མི་རྟག་པའི་འདུ་ཤེས་བསྟན་པའི་ཕྱིར། བསྲེག་པའི་བསྐལ་པ་བསྟན་ཏེ། སེམས་ཅན་རྣམས་ཀྱིས་བསྲེག་པའི་བསྐལ་པའོ་སྙམ་དུ་ཡང་དག་པར་ཤེས
126b5 སོ་འཛམ་བུའི་གླིང་ལ་ལར་ནི། སེམས་ཅན་རྣམས་ལ་སྒྲ་སྐད་བསྟན་ཏེ། དེ་དག་སྒྲ་སྐད་ཀྱིས་དྲངས་ནས་ངེས་པར་སྒྲོལ་བར་བྱེད་དོ།། འཛམ་བུའི་གླིང་ལ་ལར་ནི། སེམས་ཅན་རྣམས
126b6 ངེས་པར་བསྒྲལ་བའི་ཕྱིར། བདག་ཉིད་ཁམས་བཞི་པོ་རྣམས་སུ་སྒྱུར་བར་བྱེད་ཅིང་། སེམས་ཅན་རྣམས་ཀྱི་ནད་བསལ་བའི་ཕྱིར། བདག་ཉིད་སྨན་དང་ཤིང་ཐམས་ཅད་དུ་སྒྱུར་བར་བྱེད་དོ།།
126b7 འཛམ་བུའི་གླིང་ལ་ལར་ནི། ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་འབྱུང་བར་ཡང་སྟོན་ཏེ། ཐམས་ཅད་དུ་མཁན་པོ་བྱེད་ཅིང་མཆོད་པར་འགྱུར་རོ།། དེ་བཞིན་གཤེགས་པ་ནི་སྔོན།
iiif viewer powered by OpenSeadragon
