| e-texts navigator |
| Wylie |
126a1 དེ་བྱེད་པའང་མ་ཡིན་ནོ། ། འཛམ་བུའི་གླིང་ལ་ལར་ནི། བྱིས་པ་རྣམས་ངེས་པར་བསྒྲལ་བའི་ཕྱིར། ཡི་གེ་སློབ་པའི་སར་སོང་སྟེ། གྲཝ་དཔོན་བྱེད་ཅིང་བྱིས་པ་རྣམས་སློབ་པར
126a2 བྱེད་དོ། ། འཛམ་བུའི་གླིང་ལ་ལར་ནི།། སེམས་ཅན་དེ་དག་བསྒྲལ་བའི་ཕྱིར། ང་ཆང་འཐུང་བར་བྱེད།། རྒྱན་པོས་རྩེ་བར་བྱེད། གཡེངས་པ་ལ་དགའ་བར་བྱེད་དེ། ལས་ཆེན་པོ་དེ་དག་བྱེད་མོད་ཀྱི།
126a3 ང་ནི་ལས་དེ་བྱེད་པའང་མ་ཡིན་ལ། སེམས་ཅན་རྣམས་ཀྱིས་འདི་ནི་ལས་དེ་བྱེད་པ་ཡིན་ནོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང་ལ་ལར་ནི། བྱ་རྒོད་དང་ཁཱ་ཏ་རྣམས་ངེས་པར་བསྒྲལ་བའི
126a4 ཕྱིར། ང་དུར་ཁྲོད་དུ་འགྲོ་བར་བྱེད་མོད་ཀྱི། དེ་རང་ལྟ་བའི་འདུ་ཤེས་མི་འཇུག་གོ།། འཛམ་བུའི་གླང་ལ་ལར་ནི། དམ་པའི་ཆོས་གནས་པར་བྱ་བའི་ཕྱིར། ཁྱིམ་བདག་ཏུའང་སྟོན་ཏོ།། དམ
126a5 པའི་ཆོས་སྐྱོང་བ་དང་འཇིག་རྟེན་སྐྱོང་བའི་ཕྱིར། བློན་པོ་རྣམས་ཀྱི་ནང་དུ་བློན་པོར་བཀུར་རོ།། གཞོན་ནུ་རྣམས་ལ་དམ་པའི་ཆོས་ཡང་དག་པར་བསྟན་པའི་ཕྱིར། གཞོན་ནུ་རྣམས་ཀྱི་ནང་དུ་གནོ
126a6 ནུར་བཀུར་རོ། ། དམ་པའི་ཆོས་ཀྱི་རྒྱལ་པོའི་ཆོས་ལུགས་ཡང་དག་པར་བསྟན་པའི་ཕྱིར། རྒྱལ་པོ་རྣམས་ཀྱི་ནང་དུ་རྒྱལ་པོར་བཀུར་རོ།། འཛམ་བུའི་གླིང་ལ་ལར་ནི། ནད་ཀྱི་བར་གྱི་བསྐལ་པའི
126a7 ནང་དུ། སེམས་ཅན་རྣམས་ལ་སྨན་བྱིན་ནས།། དེ་དག་དམ་པའི་ཆོས་ལ་འཛུད་པར་བྱེད་དེ། སེམས་ཅན་རྣམས་ཀྱིས་ནད་ཀྱི་བར་གྱི་བསྐལ་བའོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང
iiif viewer powered by OpenSeadragon
