| e-texts navigator |
| Wylie |
125b1 པར་ནི། ངས་འགྲོ་བ་བཞི་པོ་རྣམས་སུ་སྐྱེ་བར་བསྟན་ཏེ། དེའི་ལས་བྱེད་པའང་མ་ཡིན་ནོ།། དུད་འགྲོའི་སྐྱེ་གནས་སུ་འཇུག་པའང་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི
125b2 གླིང་ལ་ལར་ནི། ངས་ཚངས་པའི་གཟུགས་བསྟན་ཏེ། ཚངས་པ་ལ་དད་པའི་སེམས་ཅན་རྣམས་ལ་བགེགས་བྱ་བ་བསྟན་ནས། དམ་པའི་ཆོས་ལ་འགོད་པར་བྱེད་ལ། དེའི་ལས་བྱེད་པའང་མ
125b3 ཡིན་ཏེ། སེམས་རྣམས་ཀྱིས་ཚངས་པའི་བདག་པོའོ་སྙམ་དུ་ཡང་དག་པར་ཤེས་སོ།། དེ་བཞིན་དུ་ལྷ་ཐམས་ཅད་ཀྱི་གནས་སུ་དེའི་གཟུགས་ཀྱིས་བགེགས་བྱས་ནས། སེམས་ཅན་ཐམས་ཅད་དམ།
125b4 པའི་ཆོས་ལ་འགོད་པར་བྱེད་དེ། སེམས་ཅན་རྣམས་ཀྱིས་ལྷ་ཐམས་ཅད་ཀྱི་གནས་ཀྱི་བདག་པོའོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང་ལ་ལར་ནི། ངས་སྨད་འཚོང་མ་རྣམས་ངེས་པར
125b5 བསྒྲལ་བའི་ཕྱིར། སྨད་འཚོང་མའི་ཁྱིམ་དུ་འགྲོ་བར་བསྟན་ལ། ང་ལ་འདོད་པའི་ཉེས་པའང་མི་སྐྱེ་སྟེ། ཆུའི་ནང་གི་པདྨ་བཞིན་དུ་ང་ལ་འདོད་པ་རྣམས་ཀྱི་ཉེས་པས་མི་གོས་སོ།། ང་ནི་འདོད་པ་ལ
125b6 ཆགས་པའི་སེམས་ཅན་རྣམས་འདོད་པའི་ཆུ་བོ་ལས་ངེས་པར་བསྒྲལ་བའི་ཕྱིར། བཞི་མདོ་དང་སུམ་མདོ་ཐམས་ཅད་དུའང་སྣང་མོད་ཀྱི། དེའི་ལས་བྱེད་པའང་མ་ཡིན་ཏེ། སེམས་ཅན་རྣམས་ཀྱིས
125b7 ནི་འདི་ནི་ཡུལ་རྒྱུ་བ་ཡིན་ནོ་སྙམ་དུ་ཡང་དག་པར་ཤེས་སོ། ། འཛམ་བུའི་གླིང་ལ་ལར་ནི། ང་རོལ་མོ་པ་རྣམས་དམ་པའི་ཆོས་ལ་གཟུད་པའི་ཕྱིར་ང་རོལ་མོའི་གནས་སུ་འགྲོ་བར་བྱེད་མོད་ཀྱི། ང་ནི་ལས
iiif viewer powered by OpenSeadragon
