| e-texts navigator |
| Wylie |
125a1 གླིང་ལ་ལར་ནི། ངས་དམ་པའི་ཆོས་སྤོང་བ་དང་། བདག་ཉིད་འདོད་ཆེན་པོར་སྟོན་ཏེ། སེམས་ཅན་རྣམས་ཀྱིས་ཀྱེ་མ་སེམས་ཅན་འདི་ནི་དམ་པའི་ཆོས་སྤོང་བ་དང་། འདོད
125a2 ཆེན་པོའོ་སྙམ་དུ་ཡང་དག་པར་ཤེས་ལ། འདོད་ཆེན་པ་ལྟ་བུར་བསྟན་པ་ནི། མ་འོངས་པའི་སེམས་ཅན་རྣམས་ཀྱི་ཕྱིར་ཏེ། འཇིག་རྟེན་པ་ནི་རྟག་ཏུ་འདོད་ཆེན་པ་ཡིན་གྱི། སངས་རྒྱས་ནི་འདོད་ཆེན
125a3 པ་མ་ཡིན་ནོ། ། འཛམ་བུའི་གླིང་ལ་ལར་ནི། ངས་དམ་པའི་ཆོས་འཛིན་པར་བསྟན་ཏེ། སེམས་ཅན་རྣམས་ཀྱིས་ཀྱེ་མ་དམ་པའི་ཆོས་ཀྱི་ཕྱོགས་འཛིན་པའོ་སྙམ་དུ་ཡང་དག་པར་ཤེས་སོ།། འདི་ནི
125a4 སངས་རྒྱས་རྣམས་ཀྱི་རང་བཞིན་ཏེ། འདི་ནི་ཆོས་ཉིད་ཡིན་པས་ངོ་མཚར་ཆེ་བ་མེད་དོ།། འཛམ་བུའི་གླིང་ལ་ལར་ནི། ང་བདུད་བགེགས་བྱེད་པ་ལྟ་བུར་སྟོན་ཏེ།། སེམས་ཅན་རྣམས་ཀྱིས་ནི་ཀྱེ་མ་བདུད
125a5 སྡིག་ཅན་སྙམ་དུ་ཡང་དག་པར་ཤེས་ལ། པདྨ་ཆུས་མི་གོས་པ་བཞིན་དུ་ང་ལ་བདུད་ཀྱི་ཉེས་པས་མི་གོས་སོ།། འཛམ་བུའི་གླིང་ལ་ལར་ནི། ང་བུད་མེད་ཀྱི་གཟུགས་ཀྱིས་འཚང་རྒྱ་བར་སྟོན་ཏེ
125a6 སེམས་ཅན་ཡིད་གཉིས་ཟ་བ་རྣམས་ཀྱིས་བུད་མེད་འཚང་རྒྱ་བར་བྱེད་དོ་སྙམ་དུ་ཡང་དག་པར་ཤེས་ལ། ། དེ་བཞིན་གཤེགས་པ་ནི་རྟག་ཏུ་སྐྱེས་པ་ཁོ་ན་ཡིན་བཞིན་དུ། སེམས་ཅན་རྣམས་གདུལ་བའི་ཕྱིར
125a7 གཉིས་ཀར་ཡང་སྟོན་ཏོ། ། དེ་བཞིན་དུ་གཟུགས་དུ་མའི་ཐབས་ཀྱི་ཕྱོགས་ལ་འཇུག་པ་བསྟན་ཏེ། དེ་དག་ཐམས་ཅད་ཀྱང་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི་གླིང
iiif viewer powered by OpenSeadragon
