| e-texts navigator |
| Wylie |
124a1 ཟ་བ་དང་། མིག་སྨན་གྱིས་སྐུད་པར་སྣང་མོད་ཀྱི། ངའི་ལུས་ལ་དེ་ལྟ་བུའི་གནོད་པ་རྣམས་མེད་དོ།། རྐང་པ་པདྨའི་མདོག་འདྲ་བ་དང་། ཁ་ནས་ཨུཏྤ་ལའི་དྲི་འབྱུང་བ་དང་།
124a2 མིག་དཔེ་མེད་པར་བཟང་བ་དེ་དག་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། སེམས་ཅན་རྣམས་ཀྱིས་ནི་ཐམས་ཅད་མིའི་ཚུལ་དང་འདྲའོ་སྙམ་དུ་ཡང་དག་པར་ཤེས་སོ།། ཕྱག་དར་ཁྲོད་ཀྱི།
124a3 གོས་ས་ལས་བླངས་ཏེ་འཁྲུ་བ་ལྟ་བུར་སྣང་མོད་ཀྱི། ང་ལ་དེ་དགོས་པ་མེད་དོ།། སེམས་ཅན་རྣམས་ཀྱིས་ནི་མིའི་དངོས་པོར་ཡང་དག་པར་ཤེས་ཏེ། སྒྲ་གཅན་ཟིན་གྱི་ཕར་བསྟན་པ་དང
124a4 ཟས་གཙང་དང་། སྒྱུ་འཕྲུལ་པ་མར་བསྟན་པའང་འཇིག་རྟེན་གྱི་དོན་ཡིན་ནོ།། འཇིག་རྟེན་གྱི་བདེ་བ་མྱོང་ནས་ངེས་པར་བྱུང་སྟེ་ནགས་ཚལ་དུ་རབ་ཏུ་བྱུང་བ་དང་། རྒྱལ་པོའི་བུ་གོའུ་ཏ་མ་ཞེས་བྱ་བ་ནི
124a5 འདོད་པ་དང་། འདོད་པ་མ་ཡིན་པ་དང་། བདེ་བ་དང་། བདེ་བ་མ་ཡིན་པ་བྱེ་བྲག་ཕྱེད་པར་གྱུར་ནས་མྱ་ངན་ལས་འདས་པའི་བདེ་བ་ཚོལ་ལོ་ཞེས་བྱ་བ་འདིའང། བྱིས་པའི་སེམས་ཅན་རྣམས
124a6 ངེས་པར་བསྒྲལ་བའི་ཕྱིར་རོ། ། དེ་བཞིན་གཤེགས་པ་ནི་འཁྲིག་པ་ལས་བྱུང་བ་མ་ཡིན་ཏེ། སྒྲ་གཅན་ཟིན་གྱི་བར་གྱུར་པ་བསྟན་པ་དང་། རང་གི་ཕ་མ་བསྟན་པའང་འཇིག་རྟེན་དང་མཐུན་པར་བྱ་བ་ཙམ
124a7 དུ་ཟད་དོ། ། ལྷ་དང་། མི་དང་། ལྷ་མ་ཡིན་རྣམས་ཀྱིས་ནི་མོའི་དེ་བཞིན་གཤེགས་པའོ་སྙམ་དུ་ཡང་དག་པར་ཤེས་སོ།། རིགས་ཀྱི་བུ་འཛམ་བུའི་གླིང་ལ་ལར་ནི་ང་ཡང་དང་ཡང་དུ་ཡོངས་སུ་མྱ་ངན
iiif viewer powered by OpenSeadragon
