| e-texts navigator |
| Wylie |
123b1 པར་བསྒྲལ་བའི་ཕྱིར་ཏེ། བདུད་ཕམ་པར་བྱས་ནས།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་དུ་སེམས་ཅན་རྣམས་ཀྱིས་ཡང་དག་པར་ཤེས་སོ།། ངས་ནི་བསྐལ་པ་བྱེ་བ་གྲང
123b2 མེད་པ་ནས་ཉོན་མོངས་པའི་རྣམ་པ་དང་། ལྷ་དང་རང་གཞིན་གྱི་བདུད་ཕམ་པར་བྱས་ནས་བདུད་རྩིའི་མཆོག་རྟོགས་སོ།། ངས་ནི་བཤང་བ་དང་། གཅི་བ་དང་། དབུགས་རྔུབ་པ་དང་།
123b3 དབུགས་འབྱུང་བའི་བྱ་བ་སྟོན་མོད་ཀྱི། ངའི་ལུས་ལ་རྒྱ་བ་དང་། འཐུན་པ་དང་། རྣམ་པར་སྨིན་པ་མེད་དོ།། སེམས་ཅན་རྣམས་ཀྱིས་ནི་མི་དང་འདྲའོ་སྙམ་དུ་ཡང་དག་པར་ཤེས་ཏེ། འདི་ནི་འཇིག
123b4 རྟེན་དང་མཐུན་པར་བྱ་བ་ཙམ་དུ་ཟད་དོ། ། སེམས་ཅན་རྣམས་ཀྱིས་ང་ཁ་ཟས་ཟའོ་སྙམ་དུ་ཡང་དག་པར་ཤེས་མོད་ཀྱི། ངའི་ལུས་ལ་བཀྲེས་པས་ཉམ་ཆུང་བ་མེད། འདི་ནི་འཇིག་རྟེན་དང་མཐུན
123b5 པར་བྱ་བ་ཙམ་དུ་ཟད་དོ། ། ངས་ནི་བསྐལ་པ་བྱེ་བ་ཕྲག་གྲ་མེད་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་བསྒྲུབས་ཏེ། སྲིད་པ་རྣམ་པར་སྤངས་ཀྱང་ཉལ་བ་ལྟ་བུར་སྟོན་ཏེ། འོན་ཀྱང་ངའི་ལུས་ལ་གཉིད
123b6 དང་སྐྱིགས་བུ་དང་། གླལ་བ་དང་། རུ་ཤིང་ན་བ་དང་། ཀླད་པ་ན་བ་རྣམས་མེད་དོ།། ཉལ་བར་བྱེད་པ་ནི་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འགྲེང་བ་དང་། འཆག་པ་དང་།
123b7 རྐང་པ་རྐྱང་བ་དང་། ལུས་ཀྱི་སྤྱོད་ལམ་བྱེད་པར་སྣང་མོད་ཀྱི། ངའི་ལུས་ལ་དེ་ལྟ་བུའི་གནོད་པ་རྣམས་མེད་དོ།། རྐང་པ་འཁྲུ་བ་དང་། སྣུམ་གྱིས་བྱུག་པ་དང་། ཆུ་སྤྱད་པ་དང་། སོ་ཤིང
iiif viewer powered by OpenSeadragon
