| e-texts navigator |
| Wylie |
123a1 ནས་ཆོས་ཀྱི་འཁོར་ལོ་བསྐོར་ཏེ། ངས་དེ་བུའི་ཤ་བཞིན་དུ་བོར་ནས། རྒྱལ་སྲིད་ཀྱི་ལོངས་སྤྱོད་ཡོངས་སུ་འཛིན་པ་སྤངས་ན། འོན་ཀྱང་སེམས་ཅན་རྣམས་ཀྱིས་འཁོར
123a2 ལོས་སྒྱུར་བའི་རྒྱལ་པོ་སྙམ་དུ་ཡང་དག་པར་ཤེས་ཏེ། འདི་ནི་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི་གླིང་ལ་ལར་ནི་ངས་རྒན་པོ་དང་། ནད་པ་དང་། ཤི་བ་མཐོང་ནས་སྐྱོ་བར
123a3 གྱུར་ཏེ། གར་ཐབས་ལྟ་བུའི་བདེ་བ་ཐམས་ཅད་སྤངས་ནས། རབ་ཏུ་འབྱུང་བསྟན་ཏེ། སེམས་ཅན་རྣམས་ཀྱིས་ཀྱེ་མ་གཞོན་ནུ་ནི་རབ་ཏུ་བྱུང་ངོ་སྙམ་དུ་ཡང་དག་པར་ཤེས་སོ།། ངས་ནི་བསྐལ་པ་བྱེ་བ
123a4 ཕྲག་གྲངས་མེད་པ་ནས་རབ་ཏུ་བྱུང་བའི་བྱ་བ་མཐར་གཏུགས་ཟིན་མོད་ཀྱི། སྐྱོ་བར་གྱུར་ནས་རབ་ཏུ་འབྱུང་བ་ལྟ་བུར་སྟོན་པ་ནི། འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། ངས་བསྙེན་པར་རྫོགས
123a5 པ་ལྟ་བུར་བསྟན་པ་དེའང་འཇིག་རྟེན་ངེས་པར་བསྒྲལ་བའི་ཕྱིར་རོ། ། ངས་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཉིད་ལ་སོགས་པ་དང་། མཐར
123a6 གྱིས་གནས་པའི་སྙོམས་པར་འཇུག་པ་རྣམས་ཀྱང་བསྟན་ཏེ། སེམས་ཅན་རྣམས་ཀྱིས་ཀྱེ་མ་མྱུར་བ་ཁོ་ནར་བླ་ན་མེད་པའི་དགྲ་བཅོམ་པར་གྱུར་ཏེ། སྙམ་དུ་ཡང་དག་པར་ཤེས་སོ།། ང་ནི་བསྐལ
123a7 པ་བྱེ་བ་ཕྲག་གྲངས་མེད་པ་ནས་ཀྱང་དགྲ་བཅོམ་པའི་བྱ་བ་མཐར་གཏུགས་ཟིན་མོད་ཀྱི། བྱང་ཆུབ་ཀྱི་ཤིང་དྲུང་དུ་རྩཝ་བཏིང་བ་ལ་འདུག་པ་དང་། བདུད་འདུལ་བར་བསྟན་པ་འདི་ནི་འཇིག་རྟེན་ངེས
iiif viewer powered by OpenSeadragon
