| e-texts navigator |
| Wylie |
122a1 ། དང་ལྡན་པར་བྱའོ།། ཚུལ་ཁྲིམས་འཆལ་པ་རྣམས་ལ་ནི། སེར་བ་ལྟ་བུར་འགྱུར་བར་བྱའོ་ཞེས་ཟེར་རོ།། འཛམ་བུའི་གླིང་ལ་ལར་ནིང་གཙུང་པུད་འཆའ་བར་སྟོན་ཏེ། སེམས
122a2 ཅན་རྣམས་ཀྱིས་བྱིས་པའི་གཙུག་པུད་བཅས་སོ་སྙམ་དུ་ཡང་དག་པར་ཤེས་མོད་ཀྱི། ལྷ་དང་བཅས་པའི་འཇིག་རྟེན་ན། ངའི་མགོ་བོ་ནས་འཛིན་ཅིང་སྒྲ་གཅོད་ནུས་པའི་མི་སུའང་མེད་དེ། སྔོན་བསྐལ་པ་གྲངས་མེད
122a3 པ་ནས་ཀྱང་། ང་གཙུད་པུད་བཅའ་བའི་མཐར་གཏུགས་ཟིན་པས་ནི། སྥུ་གཱི་འི་སྒྲ་ཆོད་པར་འགྱུར་བ་ནི་མི་སྲིད་དོ།། འདི་ནི་འཇིག་རྟེན་དང་མཐུན་པར་བྱ་བའི་ཙམ་དུ་ཟད་དེ། གཙུག་པུད་བཅའ་བ་ནི་བྱིས
122a4 པ་འབའ་ཞིག་ལ་བྱ་བ་ཡིན་ནོ། ། འཛམ་བུ་གླིང་ལ་ལར་ནིང་དབང་ཕྱུག་ཆེན་པོའི་ལྷ་ཁང་དུ་འགྲོ་བའང་སྟོན་ཏེ། དེར་དབང་ཕྱུག་ཆེན་པོ་དང་། ཚངས་པ་དང་། འཇིག་རྟེན་སྐྱོང་བ་རྣམས་ཀྱིས་ང་མཐོང་ན
122a5 ངའི་ཞབས་ལ་ཕྱག་འཚལ་ཏེ་ཐལ་མོ་སྦྱར་ཞིང་འདུག་གོ། ང་ནི་སྔོན་བསྐལ་པ་བྱེ་བ་ཕྲག་གྲངས་མེད་པ་ནས་ཀྱང་། ལྷ་དང་། མི་དང་། ལྷ་མ་ཡིན་རྣམས་ཀྱི་ལྷའི་ཡང་ལྷ་ཡིན་པས་ན། ནམས་ཀྱང་དབང
122a6 ཕྱུཕྱག་ཆེན་པོའི་ལྷ་ཁང་དུ་མི་འགྲོ་སྟེ། དེར་འགྲོ་བ་ལྟ་བུར་བསྟན་པ་འདི་ན། འཇིག་རྟེན་དང་མཐུན་པའི་བྱ་བ་ཙམ་དུ་ཟད་དོ།། འཛམ་བུ་གླིང་ལ་ལར་ནི་ངས་རྣ་བ་དབུག་པ་བསྟན་མོད་ཀྱི། ངའི་རྣ་བ་འབིགས
122a7 ནུས་པའི་མི་མེད་དོ། ། འཛམ་བུའི་གླིང་ལ་ལར་ནི་ངས་རྣ་ཆ་གདུབ་ཀོར་སེང་གེ་ཅན་ཐོགས་པར་བསྟན་ཏེ། དེས་སེམས་ཅན་རྣམས་ཀྱིས་བྱིས་པ་འདི་ནི་རྣ་ཆ་གདུབ་ཀོར་སེང་གེ་ཅན་ཐོགས་པའོ་སྙམ་དུ་ཡང་དག
iiif viewer powered by OpenSeadragon
