| e-texts navigator |
| Wylie |
121b1 ཀྱེ་མ་བདག་གི་བུ་ནི་ལྷའི་བུ་ཞིག་གོ་སྙམ་དུ་ཡང་དག་པར་ཤེས་སོ།། སེམས་ཅན་མང་པོ་གཞན་དག་ཀྱང་ངོ་མཚར་དུ་འཛིན་ཏེ། འོན་ཀྱང་ང་ནི་བསྐུལ་པ་བྱེ་བ་ཕྲག་གྲངས་མེད་པ་ནས་བྱིས་པའི་དངོས་པོ་ལས་ལོག
121b2 པས་ནམས་ཀྱང་བྱིས་པར་མ་གྱུར་ཏེ། ད་ནི་ཆོས་ཀྱི་སྐུ་ཡིན་གྱིས། རུས་པ་དང་། རྒྱུས་པ་དང་། ཤ་དང་། ཁྲག་གི་ལུས་མ་ཡིན་ལ། བྱིས་པར་འགྱུར་བའང་སྟོན་པ་འདི་ནི། འཇིག་རྟེན་དང་མཐུན
121b3 པར་བྱ་བ་ཙམ་དུ་ཟད་དོ། ། ཕང་ནས་ལངས་ཏེ་ལྷོའི་ཕྱོགས་ཆ་ལོགས་སུ་གོམ་པ་བདུན་བོར་ནས། འཇིག་རྟེན་ཐམས་ཅད་དུ་ཡོན་གནས་སུ་འགྱུར་བར་བྱའོ་ཞེས་ཟེར་རོ།། ནུབ་ཀྱི་ཕྱོགས་ཆ་ལོགས་སུ་གོམ
121b4 པ་བདུན་བོར་ནས། སྐྱེ་བ་དང་། རྒ་བ་དང་། ན་བ་དང་། འཆི་བ་རྣམས་སྤངས་ཏེ། ལུས་ཀྱི་ཐ་མར་གཏུགས་པར་བྱའོ་ཞེས་ཟེར་རོ།། ཤར་ཕྱོགས་སུ་བལྟས་ཏེ་གོམ་པ་བདུན་བོར་ནས། སེམས་ཅན་ཐམས་ཅད
121b5 ཀྱི་ཐོག་མར་འགྲོ་བར་བྱའོ་ཞེས་ཟེར་རོ། ། ཕྱོགས་མཚམས་རྣམས་སུ་གོམ་པ་བདུན་བོར་ནས། ཉོན་མོངས་པ་རྣམ་པ་སྣ་ཚོགས་ཀྱི་རང་བཞིན་གྱི་བདུད་བཅོམ་སྟེ། དགྲ་བཅོམ་པ་ཡང་དག་པར་རྫོག་པར
121b6 སངས་རྒྱས་སུ་འགྱུར་བར་བྱའོ་ཞེས་ཟེར་རོ། ། སྟེང་གི་ཕྱོགས་ཆ་ལོགས་སུ་གོམ་པ་བདུན་བོར་ནས། མྱུར་དུ་ནམ་མཁའ་བཞིན་དུ་རུང་བ་མ་ཡིན་པའི་ཆོས་ཐམས་ཅད་ཀྱིས་ལུས་མི་གོས་པར་བྱའོ་ཞེས་ཟེར་རོ།།
121b7 འོག་གི་ཕྱོགས་ཆ་ལོགས་སུ་གོམ་པ་བདུན་བོར་ནས། སེམས་ཅན་དམྱལ་བ་ཐམས་ཅད་ཀྱི་སེམས་ཅན་དམྱལ་བའི་མེ་གསད་པའི་ཕྱིར། སྤྲིན་ཆེན་པོ་ལྟར་ཆོས་ཀྱི་ཆར་དབབ་པར་བྱ་སྟེ། དེ་དག་བདེ་བ
iiif viewer powered by OpenSeadragon
