| e-texts navigator |
| Wylie |
121a1 དང་། འཛམ་བུའི་གླིང་ཐེར་འབུམ་ཡོད་པའི་སྟོང་ཁམས་དག་ཏུ་ཆོ་འཕྲུལ་ཆེན་པོ་བསྟན་པར་བྱའོ།། དེ་ལ་སྟོང་གསུམ་གྱི་སྟོང་ཆེན་པོར་འཇིག་རྟེན་གྱི་ཁམས་ནི། དཔའ་བར
121a2 འགྲོ་བའི་ཏོང་ངེ་འཛིན་གྱི་ལུགས་བཞིན་དུ་རྒྱས་པར་སྦྱར་བར་བྱའོ། ། ང་ནི་སྟོང་གསུམ་གྱི་སྟོང་ཆེན་པོའི་འཛག་རྟེན་གྱི་ཁམས་སུ་འཛམ་བུའི་གླིང་ལ་ལར་ནི་ཡོངས་སུ་མྱ་ངན་ལས་འདས་པ་ཆེན་པོ་བྱེད་པ་ལྟ་བུར
121a3 སྟོན་ལ། ཡོངས་སུ་མྱ་ངན་ལས་འདས་པ་ཆེན་པོར་གཏན་དུ་ཡོངས་སུ་མྱ་ངན་ལས་འདའ་བར་ཡང་མི་བྱེད་དོ།། འཛམ་བུ་གླིང་ལ་ལར་ནི་ངས་པ་མ་གཉིས་ཀྱི་ཟླ་མཚན་གྱི་དུས་སུ་མངལ་དུ་སྐྱེ་བར་སྟོན་ཏོ
121a4 དེ་གཉིས་ཀྱིས་ཀྱང་བདག་ཅག་གཉིས་ཀྱི་བུར་འགྱུར་རོ་སྙམ་དུ་ཡང་དག་པར་ཤེས་སོ། ། ང་ནི་བསྐལ་པ་མང་པོ་བྱེ་བ་ཕྲག་གྲངས་མེད་པ་ནས་ལན་འགའ་ཡང་འཁྲིག་པ་ལས་མ་སྐྱེས་ཏེ། འཁྲིག་པ་ལས་སྐྱེས་པའོ།།
121a5 ལུས་ལས་བརྒལ་བའི་ན། ཤའི་ལུས་མ་ཡིན་གྱིས། ཆོས་ཀྱི་སྐུ་ཡིན་ནོ།། འཁྲིག་པའི་མངལ་དུ་འཇུག་པ་འདི་ནི། འཇིག་རྟེན་དང་མཐུན་པར་བྱ་བའི་ཐབས་ཙམ་དུ་ཟད་དོ།། རིགས་ཀྱི་བུ་འཛམ་བུ་གླིང་ལ
121a6 ལར་ནི་ང་བུ་བཙའ་བའི་པང་དུ་བུར་སྐྱེ་བར་ཡང་སྟོན་ཅིང་། སྐྱེད་མོས་ཚལ་གྱི་གནས་སུ་བུ་བཙའ་བའི་བུ་ལྟ་བུར་གྱུར་ཏེ། སྐྱེན་པར་ལངས་ནས་བྱང་ཕྱོགས་སུ་ཁ་བལྟས་ཏེ། གོམ་པ་བདུན་བོར་ནས། ལྷ་དང
121a7 མི་དང་། ལྷ་མ་ཡིན་དང་བཅས་པའི་འཇིག་རྟེན་གྱི་བླ་ན་མེད་པར་འགྱུར་བར་བྱའོ་ཞེས་ཟེར་ཏེ། སེམས་ཅན་རྣམས་ཀྱིས་ནི་བྱིས་པ་བཙས་མ་ཐག་ཏུ་གོམ་པ་བདུན་འདོར་བ་སྔན་ཆད་བདག་གིས་མ་མཐོང་སྟེ།
iiif viewer powered by OpenSeadragon
