| e-texts navigator |
| Wylie |
118a1 འགྱུར་བ་ནོ་མོ་སྲིང་དེ། ཇི་ལྟར་ལྕགས་ཀྱི་མེ་གྲངས་པར་འགྱུར་བ་དེ་བཞིན་དུ། དེ་བཞིན་གཤེགས་པའང་བསྐལ་པ་མང་པོ་གྲངས་མེད་པ་བྱེ་བ་སྙེད་དུ་བསགས་པའི་ཉོན་མོངས
118a2 པའི་རྣམ་པ་ཟད་ནས། རྟག་པ་དང་། བརྟན་པ་དང་། ཐེར་ཟུག་པར་འགྱུར་ཏེ། དེ་ལྟར་ན་ཡང་དག་པར་རྣམ་པར་གྲོལ་བའི་དེ་བཞིན་གཤེགས་པ་ནི། རྟག་པ་དང་། བརྟན་པ་དང་། ཐེར་ཟུག་པ
118a3 ཡིན་ནོ། ། འདོད་པའི་འདམ་ནི་ཉོན་མོངས་པ་རྣམ་པ་རྣམས་ཞེས་བྱ་བའི་དོན་ཏེ། ཉོན་མོངས་པའི་འདམ་དེ་ལས་བསྐལ་པ་གྲངས་མེད་པས་རྒལ་ན། དེའི་ཕྱིར་དེ་བཞིན་གཤེགས་པ་ཡོངས་སུ་མྱ་ངན་ལས
118a4 འདས་པ་ལ། དེ་བཞིན་གཤེགས་པའི་གནས་གདགས་པར་མི་ནུས་ཏེ། དེ་བས་ན། ཡང་དག་ཤེས་པས་རྣམ་གྲོལ་བ།། འདོད་པའི་འདམ་དང་ཆུ་བོ་བརྒལ།། མི་གཡོ་བདེ་བ་ཐོབ་རྣམས་ཀྱང་།། གང
118a5 དུ་སོང་བ་གདགས་སུ་མེད། ། གསོལ་པ། བཅོམ་ལྡན་འདས་ཅི་ལགས། ཇི་ལྟར་ལྕགས་གྲངས་པར་གྱུར་ཀྱང་། སླད་ཀྱི་ཡང་ཞུགས་ཀྱིས་ཚ་བར་འགྱུར་བ་བཞིན་དུ། གལ་ཏེ་དེ་བཞིན་གཤེགས
118a6 པའང་དེ་དང་འདྲ་བར་འགྱུར་ན་ནི། མི་རྟག་པར་འགྱུར་ལགས་སོ།། བཀའ་སྩལ་པ། དེ་བཞིན་གཤེགས་པ་ནི་རྟག་སྟེ། བདག་ཉིད་མེ་ལྟ་བུར་གྱུར་ནས། ལྕགས་དང་འདྲ་བའི་སེམས་ཅན་མང་པོ
118a7 རྣམས་ཡེ་ཤེས་ཀྱི་མེས་བརྡ་སྤྲད་ནས་ཡང་དག་པ་མ་ཡིན་པའི་ཉོན་མོངས་པ་རྣམས་ཟད་པར་མཛད་དོ། ། གསོལ་པ། བཅོམ་ལྡན་འདས་ལེགས་སོ་ལེགས་སོ།། དེ་བཞིན་གཤེགས་པའོ་རྟག།
iiif viewer powered by OpenSeadragon
