| e-texts navigator |
| Wylie |
117b1 ཞེས་ཀྱང་ཟེར། ཅིའང་མེད་པ་ཞེས་ཀྱང་ཟེར། ཐེགས་པ་མེད་པ་ཞེས་ཀྱང་ཟེར་ཏེ། དེ་དེ་སྐད་ཟེར་ན། གཞན་དག་ལ་སླུ་བ་མ་ཡིན་ནོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི
117b2 ལས། རིགས་ཀྱི་བུ་འམ། རིགས་ཀྱི་བུ་མོ་བཅོམ་ལྡན་འདས་ཀྱིས་གསུངས་པའི་རྟག་པ་འདི་ལ་མོས་ནས། ཆོས་ཀྱི་སྒྲ་གྲངས་བཞི་པོ་རྣམས་རྗོད་པར་བྱེད་ན། གཞན་དག་ལ་སྒྲུབ་མ་ཡིན་ནོ།། ལྕགས
117b3 ཀྱི་གར་བུ་མེ་འབར་བ། རྡུང་བའི་ཚེ་ན་ཁད་ཀྱིས་ནི།། གྲངས་པར་གྱུར་ཀྱང་མེ་ཡི་དྲོད།། གང་དུ་སོང་བ་མི་རིག་ལྟར།། དེ་བཞིན་ཡང་དག་རྣམ་གྲོལ་བ།། འདོད་པའི་འདམ་དང་ཆུ་བོ་བརྒལ།། མི་གཡོ་བདེ་བ
117b4 ཐོབ་རྣམས་ཀྱང་། ། གང་དུ་སོང་བ་གདགས་སུ་མེད།། ཡང་བཀའ་སྩལ་པ། རིགས་ཀྱི་བུ་དེ་ལྟར་ཁྱོད་དེ་བཞིན་གཤེགས་པ་རྣམས་མེད་པར་འགྱུར་བའི་འདུ་ཤེས་སུ་ལྟ་བས་སྤོང་མི་དགའ་བ་མ་བྱེད་ཅིག
117b5 ལྕགས་དང་ལྕགས་ཞེས་བྱ་བ་ནི་དོན་ཐ་དད་པ་མ་ཡིན་ཏེ། ལྕགས་མེར་འབར་བ་ལས་གྲངས་པར་གྱུར་པ་བཞིན་དུ། དེ་བཞིན་གཤེགས་པ་རྣམས་མེད་པར་འགྱུར་བའི་གནས་མེད་དོ།། ལྕགས་མེར་འབར་བ་ལས
117b6 གྲངས་པ་བཞིན་དུ། ཉོན་མོངས་པའི་རྣམ་པ་ཞི་བར་འགྱུར་མོད་ཀྱི། གང་གི་ཚེ་ལྕགས་མེར་འབར་བ་གྲངས་པར་འགྱུར་བ་ན། ཚ་ཚ་འཕྲོ་བ་ཐམས་ཅད་དང་བཅས་ཏེ་མེད་པར་འགྱུར་ན་ནི། དེའི་ཚེ་དེ་བཞིན
117b7 གཤེགས་པའང་མི་རྟག་པར་འགྱུར་ན། ལྕགས་དེ་འོད་དང་བཅས་པ་མེད་པར་འགྱུར་བ་ནི་མ་སོད་ངོ་དོ།། དེ་བཞིན་དུ་དེ་བཞིན་གཤེགས་པའང་མྱ་ངན་ལས་འདས་པ་ཆེན་པོ་འོད་དང་བཅས་ཏེ་མི་རྟག་པར
iiif viewer powered by OpenSeadragon
