| e-texts navigator |
| Wylie |
116b1 སེམས་ཅན་གཅིག་གི་རྒྱུད་དེ་འདྲ་བ་ཞིག་གཟིགས་ནའང་དེ་ངེས་པར་བསྒྲལ་བའི་ཕྱིར། བསྐལ་པ་འམ་བསྐལ་པ་ལས་ལྷག་པར་ཡང་སེམས་ཅན་དམྱལ་བར་བཞུགས་སྤྱོད་ན། ཐུགས་བརྩེ་བ་དང་ལྡན་པ་ཇི་ལྟར་ཉིད་ཀྱི
116b2 སྲས་རྣམས་ལ་སླུ་བར་མཛད། འོད་སྲུངས་ཆེན་པོ་དང་རུས་གཅིག་པ། དཔེར་ན་གྲོང་ཁྱེར་རམ། རི་ཁྲོད་ཀྱི་གྲོང་ཞིག་ན་ཐ་ག་པ་ཞིག་ཡོད་ན། དེ་ནི་དེར་རས་བཏག་པའི་ཡོ་བྱད་ཐགས་ཆ་གང་ཁ་རྒལ་བ་འདོར་བར་བྱེད་པ
116b3 དང་དཔེར་ན་འཁོར་ལོས་སྒྱུར་བའི་རྒྱལ་པོ་ནི་ཐོག་མ་ཁོ་ནར་དགེ་བ་བཅུའོ་ལས་ཀྱི་ལམ་རྣམས་ཅིག་ཅར་སྦྱོང་བར་མི་བྱེད་ཀྱི། སེམས་ཅན་གང་དང་གང་ཆོས་མ་ཡིན་པ་ལ་རྟེན་པ་དེ་དང་དེ་དག་འཁོར་ལོ་རིན་པོ་ཆེས་བཏུལ
116b4 ནས་དམ་པའི་ཆོས་ལ་འགོད་པ་དེ་བཞིན་དུ། སངས་རྒྱས་བཅོམ་ལྡན་འདས་ཀྱང་ཐོག་མ་ཁོ་ནར་སོ་སོར་ཐར་པའོ་བསླབ་པའི་གཞི་ཅིག་ཅར་འཆའ་བར་མི་མཛད་ཀྱི། དགེ་སློང་གང་དང་གང་གིས་ཉེས་པ་ཅི་དང་ཅི་བྱས
116b5 པའི་དོན་གྱི་དམིགས་བྱུང་བ་དེ་དང་དེ་གླེང་གཞིར་མཛད་ནས། བསླབ་པའོ་གཞི་འཆའ་བར་མཛད་ལ། སེམས་ཅན་ཆོས་འདོད་པ་གང་ཡིན་པ་རྣམས་ཀྱིས་དེ་དང་དེ་མཐོང་ན་ཡིད་ཆེས་པར་འགྱུར་ཏེ། དེ་དག་དབང་དུ
116b6 འཇོག་གོ། ། དེ་ལྟར་ན་ཤིན་ཏུ་བརྟག་པར་དཀའ་བའིའོ་ཆོས་ཡང་དག་པར་གཟིགས་ནས། ཐ་ག་པ་དང་འཁོར་ལོས་སྒྱུར་བའི་རྒྱལ་པོའི་ཆོས་ཉིད་ཇི་ལྟ་བ་བཞིན་དུ་ཆོས་ཀྱི་འཁོར་ལོ་བསྐོར་བའི་སངས་རྒྱས་རྣམས་ཀྱི་ཆོས
116b7 ཉིད་ཀྱང་དེ་དང་འདྲ་སྟེ། དེ་ལྟར་ན་སངས་རྒྱས་བཅོམ་ལྡན་འདས་རྣམས་བསམ་གྱིས་མི་ཁྱབ་བོ།། ཆོས་བསྟན་པའང་བསམ་གྱིས་མི་ཁྱབ་བོ།། དེ་བཞིན་དུ་ཉན་པ་པོ་རྣམས་དང་། ཡིད་ཆེས་པ་རྣམས་ཀྱང་བསམ་གྱིས
iiif viewer powered by OpenSeadragon
