| e-texts navigator |
| Wylie |
116a1 ཅོག་ཅར་འཆའ་བར་མི་མཛད་དོ། ། གསོལ་པ། དེ་བཞིན་གཤེགས་པས་མཁྱེན་བཞིན་དུ་དེ་དག་མནར་མེད་པ་ཤིན་ཏུ་འཇིགས་པའི་སར་བཏང་བ་མཛད་དམ་ཅི་ལགས། དཔེར་གསོལ་ན
116a2 འགྲོན་པོ་དག་ཅིག་ཤུལ་དུ་ཞུགས་ཏེ་ཤུལ་དྲང་པོར་འཚལ་བ་ལས། དེར་ཤུལ་གཅིག་ནི་ལོགས་ཤིག་ཏུ་མཆི་བ་ལགས་ལ། དེ་དག་གིས་ཀྱང་ཤུལ་བོར་ཏེ་ལོག་པར་ཞུགས་ཤིང་མ་རུང་བར་གྱུར་ཀྱང་། བདག
116a3 ཅག་ནི་ཤུལ་ལོག་པར་ཞུགས་སོ་སྙམ་དུ་མ་ཚོར་ནས། འདི་ནི་ཤུལ་བཟང་པོ་ལགས་སོ་སྙམ་དུ་འཛིན་ཅིང་དོང་ལ་ཕས་རྒྱུ་བའི་འགྲོན་པོའང་མ་མཐོང་བ་དེ་བཞིན་དུ། ཆོས་ལ་རྨོངས་པའི་སེམས་ཅན་དམ་པའི་ཆོས་ཀྱི
116a4 དེ་ཁོ་ན་ཉིད་མ་མཐོང་བ་རྣམས་ལ་བཅོམ་ལྡན་འདས་ཀྱིས་ཐོག་མ་ཁོ་ནར་ཤུལ་བསྟན་འཚལ་བ་ལས་སྔར་ནོངས་པ་རྔམས་ཆེ་ཆུང་མ་བསྟན་པས། དགེ་སློང་རྣམས་ཉེས་པ་རྣམས་ཀྱི་ནང་དུ་ལྷུང་བར་འགྱུར་ན། འདི་ལྟར
116a5 བཅོམ་ལྡན་འདས་བདེན་པའི་འགྲོན་པོ་བདེན་པའི་ལམ་གྱི་ཁྱད་པར་ཡང་དག་པར་གཟིགས་པ། ཆོས་ཀྱི་ལམ་གྱི་ཡོན་ཏན་གྱི་ཁྱད་པར་གྱི་ཕན་ཡོན་ཡང་དག་པར་གཟིགས་པ། ལྷའི་ཡང་ལྷ་བཅོམ་ལྡན་འདས་ཀྱིས་དེའི
116a6 ཆེད་དུ་བསླབ་པའི་གཞི་བཅའ་བ་བསྟན་དུ་གསོལ། བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ་ཁྱོད་དེ་བཞིན་གཤེགས་པ་ལ་དེ་སྐད་མ་ཟེར་ཅིག། དེ་བཞིན་གཤེགས་པ་ནི་ཡོན་ཏན་གྱི་ཁྱད་པར
116a7 གྱི་ཆོས་བཅུ་ཡང་དག་པར་གཟིགས་པ་ཡོན་ལ། སེམས་ཅན་ཐམས་ཅད་ལའང་སྒྲགཅན་ཟིན་བཞིན་དུ་གཟིགས་ན། ཇི་ལྟར་དགེ་སློང་རྣམས་མནར་མེད་པར་འགྲོ་བར་མཛད། དེ་བཞིན་གཤེགས་པ་ནི་གལ་ཏེ
iiif viewer powered by OpenSeadragon
