| e-texts navigator |
| Wylie |
115a1 འདི་ནི་འདྲི་བའི་དབང་ཞེས་བྱའོ།། དེ་ལ་དོན་གྱི་དམིགས་བྱུང་བའི་དབང་ཞེས་བྱ་བ་ནི་དགེ་སློང་ངག། དགེ་སློང་མ་འམ། དགེ་བསྙེན་ནམ། དགེ་བསྙེན་ནམ་དག་ང་ལ་འདི་སྐད་ཅེས་འདྲི་བར་བྱེད་དེ
115a2 དེ་བཞིན་གཤེགས་པས་ཐོག་མར་མགོ་གཅིག་ཁོ་ནར་བཀའ་སྩལ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། ཀོ་ས་ལའི་རྒྱལ་པོ་གསལ
115a3 རྒྱལ་ལ་དོན་དང་ཚིག་འདི་རྣམས་ཅིའི་སླད་དུ་བཀའ་མ་སྩལ། བཅོམ་ལྡན་འདས་དེ་བཞོན་གཤེགས་པས་ཆོས་ཀྱི་སྒོ་དེ་ལྟར་བཀའ་སྩལ་པ་ནི། ལེགས་པར་གསུང་བ་མ་ལགས་སོ་ཞེས་ཟེར་ན་ཉེས་པར་འགྱུར།
115a4 རོ་ཞེས་ང་ཟེར་རོ།། སྲུང་བ་ཞེས་བྱ་བ་ནི་ཇི་སྐད་བཤད། འདུལ་བ་ཞེས་བྱ་བ་ནི་ཇི་སྐད་བཤད། སོ་སོར་ཐར་པ་ཞེས་བྱ་བ་ནི་ཇི་སྐད་བཤད་ཅེ་ན། ཉེས་པ་གཞན་ཡང་དུ་མ་ཡོད་དེ། དེ་དག་ཉོན་ཅིག། དེ་ལ
115a5 དེ་སོ་སོར་ཐར་པ་ཇི་སྐད་བཤད་ཅེ་ན། སོ་སོར་ཐར་པ་ཞེས་བྱ་བ་ནི། ཆོག་ཤེས་པ་དང་། ཡོ་བྱད་བསྙུངས་པ་དང་། ལེན་པ་མེད་པའོ།། གཅིག་ཏུ་ན་སོ་སོར་ཐར་པ་ཞེས་བྱ་བ་ན། གཉིས་ཀའི་དོན་ལས་གསོ
115a6 པབར་བྱེད་པའི་ཕྱིར་རོ། ། ལོག་པའི་ཚིག་ལས་གྲོལ་བར་བྱེད་པས་ན་ཐར་པའོ།། སྲུང་བ་ཞེས་བྱ་བ་ནི་རུང་བ་མ་ཡིན་པ་ཐམས་ཅད་ཀྱི་འཚོ་བས་འགྲོ་བ་བཞི་པོ་རྣམས་སུ་ལྷུང་བར་བྱེད་པ་དང་། སེམས་ཅན
115a7 དམྱལ་བ་མནར་མེད་པ་ལ་སོགས་པའི་འཇིགས་པའི་གནས་ཐམས་ཅད་དུ་བཙོ་བར་འགྱུར་བ་དེ་ལས་སྲུང་བའི་ཕྱིར་རོ། ། འདུལ་བ་ཞེས་བྱ་བ་ནི་ཐོབ་པར་བྱེད་པ་དང་། འདུལ་བར་བྱེད་པ་དང་། ཆོ་ག་སྟོན
iiif viewer powered by OpenSeadragon
