| e-texts navigator |
| Wylie |
112b1 ལ་འདི་སྐད་ཅེས་བཀའ་སྩལ་ཏོ། ། ཆགས་པ་མེད་པ་ལ་བྲན་དང་བྲན་མོ་བླང་བར་སྟོབས་ཤིག། གཏན་དུ་ཚངས་པར་སྤྱོད་པ་ལ་བུ་མོའི་སྨྱོན་པ་གྱིས་ཤིག། ཤ་མི་བ་བ་ལ་ཤ་ཟར་ཆུག་ཅིག། ཆང་མ
112b2 འཐུང་བ་ལ་ཆང་འཐུང་དུ་ཆུགཅིག། དུས་སུ་ཟ་བ་ལ་དུས་མ་ཡིན་པར་ཟས་བྱིན་ཅིག། མེ་ཏོག་འཕྲེང་དང་། རྒྱན་མི་ཐོགས་པ་ལ་ཕྱེ་མ་དང་། སྤོས་དང་། མེ་ཏོག་དང་། བདུག་པ་རྣམས་བྱིན་ཅིག།
112b3 དག་གི་དུས་ཤེས་པར་གྱིས་ལ། མགྲོན་དུ་བོས་ཤིག་དང་། ཁྱོད་ཀྱིས་དེ་ལྟར་བྱས་ན། འཇིག་རྟེན་འདིར་སྦྱིན་པ་དག་གི་རྒྱལ་པོ་ཡིན་ཞེས་གྲགས་པ་ཆེན་པོར་འགྱུར་ཏེ། བསོད་ནམས་འཕེལ་བར་ནི
112b4 མི་འགྱུར་རོ། ། །། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་ལྔ་པ།། དེ་ནས་འོད་སྲུངས་ཆེན་པོ་དང་རུས་གཅིག་པས
112b5 འདི་སྐད་ཅེས་གསོལ་ཏོ། ། ཤ་མི་འཚལ་བ་ལ་གཟུང་བ་ནི་ཆེད་ཆེར་བགྱི་བ་ལགས་ན། ཤ་མི་འཚལ་བ་ཤ་འཚལ་དུ་སྩལ་ན། ནོངས་པར་མི་འགྱུར་ལགས་སམ། བཀའ་སྩལ་པ། རིགས་ཀྱི་བུ
112b6 ལེགས་སོ་ལེགས་སོ། ། ཁྱོད་ཀྱིས་ངའི་དགོངས་པ་རིག་སྟེ། དམ་པའི་ཆོས་བསྲུང་བས་ནི་དེ་ལྟར་བྱ་དགོངས་སོ།། རིགས་ཀྱི་བུ་ད་ཕྱིན་ཆད་ངའི་ཉན་ཐོས་རྣམས་ཤ་ཟ་བར་མི་གནང་ངོ་།། ཡུལ་འཁོར་གྱི་བསོད
112b7 སྙོམས་ནི་བུའི་ཤ་དང་འདྲའོ་ཞེས་བྱ་ན། ཤ་བཟའ་བར་ངས་ཇི་ལྟར་གནང་། ཤ་ཟ་བ་ནི་བྱམས་པ་ཆེན་པོ་ཆད་པར་འགྱུར་རོ་ཞེས་ངས་བསྟན་ཏོ།། གསོལ་པ། བཅོམ་ལྡན་འདས་འོ་ན་ཇི་ལྟར་མུ་གསུ།
iiif viewer powered by OpenSeadragon
