| e-texts navigator |
| Wylie |
112a1 སྟོན་པར་མི་བགྱིད་ལགས་ཀྱི། བདག་ནི་བུ་བཟང་པོ་ཁྱིམ་སོ་ཟིན་པ། ཁྱིམ་གྱི་དོན་གྲུབ་པ། རྫས་བསྟན་པར་འོས་པ། དེ་དག་ལ་སྟོན་པར་བགྱིད་ལགས་སོ།། བཀའ་སྩལ
112a2 པ། ཆེ་ཞེ་དེ་བཞིན་དུ་གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའི་བྱ་བ་བྱེད་པ་དེའི་ཚེ། དེ་བཞིན་གཤེགས་པ་གསང་བ་སྣ་ཚོགས་ཀྱི་དགོངས་པའི་ཚིག་མ་ལུས་པར་ཉན་ཐོས་རྣམས
112a3 ལ་སྟོན་ཏོ། ། དེར་སྲས་རྣམས་ལ་དད་པ་སྦྱིན་པར་མཛད་དོ།། ཆེ་ཞེ་དཔེར་ན་ལྗོད་བྱས་སུ་སོང་བ་ན་བུ་ངན་པ་རྣམས་ཁྱོད་མ་ཤི་བར་ཤའོ་སྙམ་དུ་སེམས་སམ། བཅོམ་ལྡན་འདས་དོན་བཀའ་མད་དོ།།
112a4 བཀའ་སྩལ་པ། དེ་ནས་ཁྱོད་ཕྱིར་འོངས་པོ་དེ་དག་གིས་མཐོང་བ་དེ་བཞིན་དུ། ཆེ་ཞེང་ལ་མི་རྟག་གོ་སྙམ་དུ་འདུ་ཤེས་མ་བྱེད་ཅིག། དེང་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར
112a5 འགྱུར་རོ་ཞེས། ཤི་བའི་འདུ་ཤེས་བཞིན་དུ་དེ་ལྟར་མ་འཛིན་ཅིག། གང་དག་རྟག་ཏུ་དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པའོ་སྙམ་དུ་འཛིན་པ་དེ་དག་གི་ཁྱིམ་ན་ནི་དེ་བཞིན
112a6 གཤེགས་པ་བཞུགས་ཏེ། འདོནི་གཞན་གྱི་ལྷག་པའི་བསམ་པ་ཞེས་བྱའོ།། འདྲི་བའི་དབང་ཞེས་བྱ་བ་ནི། འདོན་ལ་ལ་ཞིག་དེ་བཞིན་གཤེག་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཞུ
112a7 པར་བྱེད་དེ། བཅོམ་ལྡན་འདས་ཇི་ལྟར་བགྱིས་ནས། བདག་གིས་སུ་ལའང་ཅིའངམ་སྩལ་བར་འཇོག་རྟེན་དུ་སྦྱིན་པ་པོར་གྲགས་པའི་གཏམ་སྙན་པ་ཐོབ་པར་འགྱུར་ལགས། དེ་བཞིན་གཤེགས་པས་དེ
iiif viewer powered by OpenSeadragon
