| e-texts navigator |
| Wylie |
111a1 དུ་མར་ལྡག་ཏུ་བཅུག་པ་བཞིན་ནོ་ཞེས་གསུངས་སོ། ། དེ་ནས་བུད་མེད་དེས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས་ཀྱིས་ནི་བདག་གི་སེམས་ཀྱི་རྟོག་པ་ཐུས
111a2 སུ་ཆུད་ན། ལྷག་ཆད་མེད་པར་བཀའ་སྩལ་ཏེ། བདག་སློབ་ཏུ་སྩལ་བ་ཁོ་ན་བཞིན་ལགས་སོ།། བཅོམ་ལྡན་འདས་བདག་གིས་དེང་བྱིས་པ་ལ་མཛུབ་མོའི་ཐོར་ཏོར་ཆབ་མར་སྩལ་བ་དྲགས་པར་གྱུར་ཏེ
111a3 དེས་ན་འདི་མ་ཞུ་བར་གྱུར་ལགས་སོ། ། བཅོམ་ལྡན་འདས་ཅི་ལགས། བདག་གི་ཁྱེའུ་འདི་ཚེ་རིང་བར་འགྱུར་རམ། འོན་ཏེ་ཐུང་བར་འགྱུར་བ་བཅོམ་ལྡན་འདས་དེ་བཞིན་གཤེགས་པས་བསྟན་དུ་གསོལ།
111a4 བཀའ་སྩལ་པ། ཁྱེད་ཀྱི་བུ་ནི་བདེ་བ་དང་ལྡན་ཞིང་། ཚེ་རིང་བར་འགྱུར་རོ།། དེ་ནས་བུད་མེད་དེ་མགུ་བར་གྱུར་ནས། གསོལ་པ། ཁྱོད་ཀྱི་བདེན་པའི་ཚིག་གིས་བདག་ཤིན་ཏུ་མགུ་ལགས་སོ།། དེ་ལྟར
111a5 དེ་བཞིན་གཤེགས་པ་ནི་གདུལ་བར་བྱ་བའི་དབང་ལ་གཟིགས་ཤིང་། འཇུ་བ་དང་མི་འཇུ་བའི་ཉམ་སྟོབས་དང་སྦྱར་ནས། ཆོས་ཐམས་ཅད་བདག་མེད་པ་དང་། སྡུག་བསྔལ་བར་སྟོན་པ་མཛད་དོ།། གལ་ཏེ
111a6 བཅོམ་ལྡན་འདས་ཀྱིས་སྟོབས་ཆེ་ཆུང་དང་མ་སྦྱར་བར་སེམས་ཅན་རྣམས་ལ་རྟག་པའི་གསང་བ་བསྟན་པ་ལགས་ན། ཆབ་མར་མ་ཞུ་བ་དང་འདྲ་བར་སེམས་ཅན་རྣམས་ཆབ་འཚལ་བར་འགྱུར་ལགས་སོ།།
111a7 བཀའ་སྩལ་པ། ཆེ་ཞེ་ལེགས་སོ་ལེགས་སོ།། རིགས་ཀྱི་བུ་མོས་ནི་དེ་ལྟར་བྱ་དགོས་སོ།། ཆེ་ཞེ་གཞན་ཡང་གང་གི་ཚེ་ཁྱོད་ཀྱི་བུ་གོམ་པ་འདོར་ནུས་པར་གྱུར་པ་དེའི་ཚེ། ཁ་ཟས་སྡུམ་པ་གང་དང་གང
iiif viewer powered by OpenSeadragon
