| e-texts navigator |
| Wylie |
110b1 ནོ་ཞེས་བྱས་ནས། སངས་རྒྱས་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ནི་མི་རྟག་གོ་ཞེས་ཟེར་བ་བས་ནི། ཤིང་གི་ཕུང་པོ་འབར་བ་འདི་ལ་ཀུན་ནས་རེག་ཅིང་པང་དུ་བླངས་ཀྱང
110b2 བླའོ། ། གང་དག་བདུད་ཀྱིས་སྨྲས་པའོ་ཞེས་ཟེར་བ་དང་། གང་དག་ཕྱིན་ཅི་ལོག་གི་ཆོས་དེ་འཛིན་པར་བྱེད་པ་དེ་དག་ནི་བརྫུན་དུ་སྨྲ་བའོ།། དེ་བཞིན་གཤེགས་པ་མི་རྟག་གོ་ཞེས་བྱ་བའི་ཚིག་སྨྲ་བ་པས
110b3 ནི། ཤིང་གི་ཕུང་པོ་འབར་བ་འདི་ལ་ལྕེས་ཀུན་ནས་རེག་པར་བྱས་ཏེ་ཤིའང་བླའོ།། ཚོགས་དེ་ནི་མཉན་པར་ཡང་མི་བྱའོ།། དེ་བཞིན་གཤེགས་པ་རྟག་པའོ་ཞེས་འདོགས་མི་ནུས་པ་དེ་དག་ནི་མྱ་ངན
110b4 དུ་བྱ་བ་ཡིན་ནོ། ། སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་བོ།། དེ་བཞིན་དུ་དེའི་རྗེས་སུ་བསྟན་པ་དང་། ཉན་ཐོས་ཀྱི་དགེ་འདུན་ཡང་བསམ་གྱིས་མི་ཁྱབ་བོ་སྙམ་དུ་གཟུང་བར་བྱའོ།།
110b5 དེ་ལ་སོགས་པ་ཤིང་གི་ཕུང་པོ་འབར་བ་ཞེས་བྱ་བ་མན་ཆད་ནི། རང་གི་ལྷག་པའི་བསམ་པ་ཞེས་བྱ་བའི་སྣ་གྲངས་སོ།། གཞན་གྱི་ལྷག་པའི་བསམ་པ་ཞེས་བྱ་བ་ནི། བཅོམ་ལྡན་འདས་ཆོས་སྟོན
110b6 ཅིང་བཞུགས་པ་ན། བུད་མེད་གཞོན་ནུ་གསར་དུ་བུ་བྱུང་བ་ལ་ལ་ཞིག་བཅོམ་ལྡན་འདས་ཀྱི་ཐད་དུ་འོངས་ནས། ཕྱོགས་གཅིག་ཏུ་འདུག་སྟེ། སེམས་ཤིང་འདུག་གོ།། དེ་ནས་བཅོམ་ལྡན་འདས་ཀྱིས
110b7 དེའི་བསམ་པ་ཐུགས་སུ་ཆུད་ནས་ཆོས་སྟོན་པར་མཛད་དེ། དཔེར་ན་བུད་མེད་བུ་ལ་བྱམས་པའི་ཐབས་མཁས་པས། ཇི་ཙམ་འཇུ་ནུས་པའི་དྲོད་ཤེས་ནས། རང་གི་མཛུབ་མོའི་ཐོར་ངོས་བདག་གི་བུ་ཆུང
iiif viewer powered by OpenSeadragon
