| e-texts navigator |
| Wylie |
110a1 དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་འདིའང་བསམ་གྱིས་མི་ཁྱབ་ལགས་སོ།། འདི་ལ་གང་དག་བཀའ་བཞིན་དུ་བྱེད་པ་དག་ནི། ཡང་དག་པར་འཛིན་པའི་སེམ
110a2 ཅན་ལགས་སོ། ། དེ་དག་ནི་མཆོད་རྟེན་ལྟ་བུ་ལགས་སོ།། གཞན་ནི་མྱ་ངན་དུ་བགྱི་བ་ལགས། མི་ཤེས་པའི་དགོན་པ་ན་འཁོད་པ་ལགས་སོ།། འཕགས་པ་ཡོངས་སུ་མྱ་ངན་ལས་འདས་པ་ཐེག
110a3 པ་ཆེན་པོའི་མདོ་ལས། མདོའི་མིང་གི་གཏན་ཚོགས་དང་ཡོན་ཏན་གྱི་ཚུལ་གྱི་ལེའུ་ཞེས་བྱ་སྟེ་གསུམ་པའོ།། ། རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ
110a4 རྣམས་ནི། མྱ་ངན་ལས་འདས་པ་ཐེག་པ་ཆེན་པོའི་མདོ་ཆེན་པོ་ལས། ཆོས་ཀྱི་སྣ་གྲངས་རྣམ་པ་བཞི་སྟོན་པར་བྱེད་དེ། སྣ་གྲངས་རྣམ་པ་བཞི་གང་ཞེ་ན། རང་གི་ལྷག་པའི་བསམ་པ་ཞེས་བྱ་བ་དང
110a5 གཞན་གྱི་ལྷག་པའི་བསམ་པ་ཞེས་བྱ་བ་དང་། འདྲི་བའི་དབང་ཞེས་བྱ་བ་དང་། དོན་གྱི་དམིགས་བྱུང་བའི་དབང་ཞེས་བྱ་སྟེ། བཞི་པོ་ནི་དེ་དག་ཡིན་ནོ།། དེ་ལ་རང་གི་ལྷག་པའི་བསམ་པ
110a6 ཞེས་བྱ་བ་ནི། དེ་བཞིན་གཤེགས་པས་གང་ལ་གཟིགས་ནས་ཆོས་སྟོན་པར་མཛད་པ་སྟེ། དཔེར་ན་ཤིང་གི་ཕུང་པོ་འབར་ཞིང་སྣང་བར་གྱུར་པ་གཟིགས་ནས། དགེ་སློང་དག་གང་དག་དེ་བཞིན
110a7 གཤེགས་པ་ལས་གསང་བ་སྣ་ཚོགས་ཐོས་ནས། འདི་ནི་བདུད་ཀྱིས་སྨྲས་པ་ཡིན་ནོ་ཞེས་གཞན་དག་ལ་ཟེར་ཞིང་། རང་བཟོའི་ཆོག་འབྲུ་སྣ་ཚོགས་རྣམས་ལ་དེ་བཞིན་གཤེས་པས་གསུངས་པ་ཡིན
iiif viewer powered by OpenSeadragon
