| e-texts navigator |
| Wylie |
109b1 པར་ཕན་པ་དེ་བཞིན་དུ། དེ་བཞིན་གཤེགས་པའི་དགོངས་པའི་ཆོག་གི་མཁྲིས་པ་རྒྱས་པའི་ནད་ཀྱིས་ཟིན་པ་ལའང་ཐེག་པ་ཆེན་པོའི་མདོ་སྡེ་དང་མྱ་ངན་ལས་འདས་པ་ཆེན་པོའི་མངར་བ་བརྒྱད་ཀྱི་སྨན་འབའ
109b2 ཞིག་ལྷག་པར་ཕན་ཏེ། འདིར་མང་རབ་བརྒྱད་གང་ཞེ་ན། རྟག་པ་དང་། བརྟན་པ་དང་། ཐེར་ཟུག་དང་། ཞི་བ་དང་། བསོལ་བའི་རང་བཞིན་དང་། རྒ་བ་མེད་པ་དང་། འཆི་བ་མེད་པ་དང་། དྲི་མ་མེད་པ་དང་བདེ་བ་སྟེ་འདི།
109b3 རྣམས་ནི་འདིར་མངར་བ་བརྒྱད་ཅེས་བྱ་སྟེ། གང་གི་ཕྱིར་མངར་བ་ཆེན་པོ་ཡིན་པས་ན། དེའི་ཕྱིར་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས
109b4 མིང་དང་། ཡོན་ཏན་དང་། ཚུལ་དེ་ལ་གནས་ན། ཡོངས་སུ་མྱ་ངན་ལས་འདས་པ་རྣམ་པ་དུ་མ་སྟོན་ཏེ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། རིགས་ཀྱི་བུ་འམ། རིགས་ཀྱི
109b5 བུ་མོ་ཡོངས་སུ་མྱ་ངན་ལས་འདས་པ་ཆེན་པོ་འདིས། མྱ་ངན་ལས་འདའ་བར་འདོད་པས་ནི། དེ་བཞིན་གཤེགས་པ་དང་། ཆོས་དང་། དགེ་འདུན་རྟག་གོ་ཞེས་བྱ་བ་ལ་བརྩོན་པར་བྱའོ།། རིགས
109b6 ཀྱི་བུ་འམ། རིགས་ཀྱི་བུ་མོ་ཡོངས་སུ་མྱ་ངན་ལས་འདས་པ་ཆེན་པོའི་སྤྱད་པ་སྤྱོད་པར་འདོད་པས་ནི། དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར་བྱའོ།། གསོལ་པ། ཀྱེ་བཅོམ་ལྡན
109b7 འདས་དེ་བཞིན་གཤེགས་པ་བསམ་གྱིས་མི་ཁྱབ་ལགས་སོ། ། ཆོས་བསྟོན་པ་བསམ་གྱིས་མི་ཁྱབ་ལགས་སོ།། དགེ་འདུན་ཡོན་ཏན་གྱི་ཚོགས་དང་ལྡན་པ་བསམ་གྱིས་མི་ཁྱབ་ལགས་སོ།།
iiif viewer powered by OpenSeadragon
