| e-texts navigator |
| Wylie |
108a1 ལགས་ཏེ། བསམ་གྱིས་མི་ཁྱབ་བོ་ཞེས་གཞན་དག་ལའང་བསྟན་པར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག
108a2 པ་ལེགས་སོ་ལེགས་སོ། ། དེ་བཞིན་གཤེགས་པ་ནི་རྡོ་རྗེ་ལྟར་མི་ཤིགས་པའི་སྐུ་འཛིན་པ་ལ་ཞུགས་པ་ཡིན་ཏེ། དེ་ལྟ་ཡང་དག་པའི་ལྟ་བ་དང་། བསླབ་པ་ལ་གུས་པར་བྱའོ།། དེ་བཞིན
108a3 གཤེགས་པ་རྡོ་རྗེ་ལྟར་མི་ཤིགས་པའི་སྐུ་དང་ལྡན་པར། ཡང་དག་པར་ལྟ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། ཇི་ལྟར་མེ་ལོང་གི་ངོས་ལ་རང་བཞིན་གྱི་གཟུགས་བརྙན་སྣང་བ།
108a4 དེ་བཞིན་དུ། དོན་དམ་པའི་སྐུ་བསལ་བར་མཐོང་ངོ་།། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས། རྡོ་རྗེ་ལྟར་མི་ཤིག་པའི་སྐུའི་ཕུང་པོ་ཞེས་བྱ་བའི་ལེའུ་སྟེ་གཉིས་པའོ།།
108a5 ། རིགས་ཀྱི་བུ་གཞན་ཡང་ད་ནི་མདོ་འདིའི་མིང་དང་། ཡོན་ཏན་དང་། ཚུལ་ཡང་དག་པར་གཟུང་བར་གྱིས་ཤིག། མདོ་འདིའི་མིང་ཐོས་ན། སེམས་ཅན་རྣམས་འགྲོ་བ
108a6 བཞིར་འགྲོ་བ་པར་འགྱུར་བ་དེ་ནི་མི་སྲིད་དེ། མདོ་ཆེན་པོ་འདིའི་ཡོན་ཏན་དང་ཚུལ་སངས་རྒྱས་མང་པོས་བསྟན་པ་དེ་ལྟ་བུ་ངས་བསྟན་པར་བྱའོ།། གསོལ་པ། བྱང་ཆུབ་སེམས་དཔའ་སེམས་དཔའ
108a7 ཆེན་པོ་རྣམས་ཇི་ལྟར་མདོ་འདིའི་མིང་ཡང་དག་པར་འཛིན་པ་ལགས། ཇི་ལྟར་མདོ་འདིའི་མིང་འཛིན་པའི་གྲངས་སུ་གཏོགས་པ་ལགས། བཀའ་སྩལ་པ། མདོ་འདིའི་ཡོངས་སུ་མྱ་ངན་ལས་འདས
iiif viewer powered by OpenSeadragon
