| e-texts navigator |
| Wylie |
106a1 ཕུན་སུམ་ཚོགས་པ་དང་ལྡན་པ་དག་སྐྲོད་པར་འགྱུར། གསོད་པར་འགྱུར་ཏེ། དེར་དགེ་སློང་ཚུལ་ཁྲིམ་དང་ལྡན་པ་རྣམས་ཀྱིས་གྲོང་དང་། གྲོང་ཁྱེར་དང་། རི་ཁྲོད་ཀྱི་གྲོང་དག་ཏུ
106a2 ཇི་ལྟར་རྒྱུ་བར་བྱ་སྟེ། དེ་ལྟ་བུ་དག་གི་དུས་ན། དགེ་སློང་ཚུལ་ཁྲིམས་དང་ལྡན་པ། སློབ་དཔོན་དུ་གྱུར་པ་རྣམས་ལམ་དུ་འགྲོ་བ་ན། རང་གི་སྲོག་བསྲུང་བའི་ཕྱིར། མཚོན་ཆ་ལག་ན་ཐོགས་པ་དག་དེར་འགྲོ་བར
106a3 ངས་གནང་ངོ་། ། དགེ་བསྙེན་རྣམས་དང་། ཁྱིམ་བདག་དང་། རྒྱལ་པོ་དང་། བློན་པོ་རྣམས་ཀྱིས་དགེ་སློང་ཚུལ་ཁྲིམས་དང་ལྡན་པ་བསྲུང་བའི་ཕྱིར། མཚོན་ཆ་འཆང་བ་དེའང་ཚུལ་ཁྲིམས་ཡིན་ཞེས་པ
106a4 ཟེར་ཏེ། འོན་ཀྱང་གསད་པར་ནི་མི་བྱའོ།། དགག་པའི་ཕྱིར་མཚོན་ཆ་བཅང་བར་བྱ་སྟེ། དེ་ནི་མཆོག་ཏུ་མཁས་པའི་ཚུལ་ཁྲིམ་ཡིན་ནོ།། སློབ་དཔོན་ནི་ཐེག་པ་ཆེན་པོའི་གདམས་ངག་སྟོན་པ་དང་། ཡང་དག
106a5 པའི་ལྟ་བ་དང་། རུང་བ་མ་ཡིན་པའི་གདུགས་དང་། འབྲུ་མར་གྱི་སྣོད་དང་། འབྲས་བུའི་རྣམ་གྲངས་རྣམས་སྤངས་པ་དང་། རྒྱལ་པོ་དང་བློན་པོ་རྣམས་ལ་མི་བསྟེན་པ་དང་། རྙེད་པའི་ཕྱིར་སྦྱིན་པ་པོ་རྣམས
106a6 ལ་དགའ་བ་དང་། སྙན་པར་སྨྲ་བ་མ་ཡིན་པ་དང་། སྤྱོད་ལམ་ཕུན་སུམ་ཚོགས་པ་དང་། ཚུལ་མེད་པའི་དགེ་སྦྱོང་གི་དངོས་པོ་སེལ་བ་དང་། ཚུལ་ཁྲིམས་དང་ལྡན་པ་དང་། དགེ་བའི་ཆོས་ཅན་དང་།
106a7 རྒྱ་མཚོ་དང་འདྲ་བའི་བློ་གྲོས་འཆང་བ་དང་། བྱད་གཟུགས་དང་། ཆ་བྱད་དང་། རྙེད་པ་དང་། བཀུར་སྟི་གཞན་མི་འདོད་པ་དང་། ཆོག་ཤེས་ཤིང་ཡོ་བྱད་བསྲུངས་པ་སྟོན་པ་གང་ཡིན་པ་སྟེ། དེ་ནི
iiif viewer powered by OpenSeadragon
