| e-texts navigator |
| Wylie |
105b1 བརྙེད་པར་གྱུར་ཏོ།། འོད་སྲུངས་ཆེན་པོ་དང་རུས་གཅིག་པས་གསོལ་པ། དེ་བཞིན་གཤེགས་པ་ནི་རྡོལ་བརྐོས་པའི་ཡི་གེ་བཞིན་དུ་རྟག་པའི་སྐུ་དང་ལྡན་པ་ལགས་སོ།། བཀའ་སྩལ་པ
105b2 རིགས་ཀྱི་བུ་དེ་བས་ན་དམ་པའི་ཆོས་བསྲུང་བར་འདོད་པས་ནི། དགེ་སློང་ངམ། དགེ་སློང་མ་འམ། དགེ་བསྙེན་ནམ?། དགེ་བསྙེན་མ་གང་ན་ཡོད་པ་དེར་བསྲུང་བར་བྱའོ།། དགེ་བསྙེན་དམ་པའི
105b3 ཆོས་བསྲུང་བའི་འབྲས་བུ་ནི་རྒྱ་ཆེའོ། ། རིགས་ཀྱི་བུ་དེ་བས་ན་དགེ་སློང་རྣམས་མཚོན་ཆ་ལག་ན་ཐེག་པའི་དགེ་བསྙེན་དག་གིས་མདུན་དུ་བདར་ཏེ་རྒྱུ་བར་བྱའོ།། ཐེག་པ་ཆེན་པོ་འདི་ལ་ནི་དགེ
105b4 བསྙེན་གྱི་བསྒྲུབ་པའི་གཞི་ལྔ་བླང་བར་མི་བྱ་སྟེ། དམ་པའི་ཆོས་བསྲུང་བའི་ཕྱིར། ལག་ན་མཚོན་ཆ་ཐོགས་ཤིང་དགེ་སློང་རྣམས་བསྲུང་བར་བྱའོ།། གསོལ་པ། ཅི་ལགས། དགེ་སློང་གང
105b5 དག་དེ་ལྟ་བུའི་དགེ་བསྙེན་དག་ལག་ན་མཚོན་ཆ་ཐོགས་པ་དང་ལྷན་ཅིག་འགྲོགས་ཤིང་རྒྱུ་བ་དེ་དག་སློབ་དཔོན་ལགས་སམ། འོན་ཏེ་སློབ་དཔོན་མ་ལགས། ཚུལ་ཁྲིམས་འཆལ་པ་ཞེས་བགྱི་འམ
105b6 འོན་ཏེ་མི་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ། ནང་འཁྲུག་འབྱུང་བ་དང་། ཡུལ་བཅོམ་པ་དག
105b7 འབྱུང་བར་འགྱུར་ཏེ། དུས་ངན་པར་གྱུར་པ་དེའི་ཚེ་མུ་གོའི་ཉེས་པས་ཕལ་ཆེར་རབ་ཏུ་འབྱུང་ཞིང་མགོ་རེག་ཏུ་འགྱུར་ཏེ། དེ་དག་གི་དགེ་སློང་ཚུལ་ཁྲིམས་དང་། ཆོ་ག་དང་། ཡོན་ཏན་དང་། སྤྱོད་པ
iiif viewer powered by OpenSeadragon
