| e-texts navigator |
| Wylie |
105a1 ཉུངས་འབྲུ་ཙམ་ཡང་མེད་པར་གྱུར་ཏོ། ། དེ་ནས་དགེ་སློང་དེས་རྒྱལ་པོ་དེ་དེ་ལྟར་གྱུར་པ་མཐོང་ནས། ལེགས་སོ་ཞེས་སྨྲས་ཏེ། དམ་པའི་ཆོས་བསྲུང་བས་ནི་དེ་ལྟར་བྱ་དགོས་སོ།།
105a2 ཁྱོད་ནི་ཆོས་དཔག་ཏུ་མེད་པའི་སྐལ་པ་ཅན་དུ་འགྱུར་རོ་ཞེས་བྱས་སོ།། དེ་ནས་རྒྱལ་པོ་དེས། དགེ་སློང་དེའི་ཆོག་ཐོས་ནས་ཤི་བའི་འོག་ཏུ་དེ་བཞིན་གཤེགས་པ་མི་འཁྲུགས་པའི་འཇིག་རྟེན་གྱི་ཁམས་སུ་སྐྱེས
105a3 སོ། ། དེར་སེམས་ཅན་གང་རྗེས་སུ་ཡི་རང་བར་གྱུར་པ་རྣམས་དང་། གཡུལ་འགྱེད་འགྱེད་པ་གང་ཡིན་པ་དེ་དག་ཐམས་ཅད་ཀྱིས་ཀྱང་བྱང་ཆུབ་ཐོབ་པར་གྱུར་ཏོ།། དེ་བཞིན་གཤེགས་པ་མི་འཁྲུགས
105a4 པ་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བའི་འཇིག་རྟེན་གྱི་ཁམས་སུ། དེ་བཞིན་གཤེགས་པ་མི་འཁྲུགས་པ་རྣམ་པར་ཤེས་པ་ཞེས་བྱ་བ་ཞིག་ཀྱང་བྱུང་ངོ་།། དགེ་སློང་སངས་རྒྱས་བྱིན་ཡང
105a5 རྒྱལ་པོ་དེ་ཤི་བའི་རྗེས་ལ་ཤི་ནས་དེ་བཞིན་གཤེགས་པ་མི་འཁྲུགས་པའི་བསྟན་པ་ལ་ཉན་ཐོས་ཀྱི་མཆོག་ཏུ་གྱུར་ཏོ། ། རྒྱལ་པོ་ཆེན་པོ་དེའང་ཉན་ཐོས་གཉིས་པར་གྱུར་ཏོ།། དེ་ལྟར་ན་དམ་པའི་ཆོས
105a6 ནུབ་པའི་ཚེ། དམ་པའི་ཆོས་བསྲུང་བར་བྱའོ།། དེའི་ཚེ་རྒྱལ་པོར་གྱུར་པ་དེ་ནི་ང་ཡིན་ནོ།། དགེ་སློང་དེ་ནི་སངས་རྒྱས་འོད་སྲུངས་ཡིན་ཏེ། དེ་ནི་ཡོངས་སུ་མྱ་ངན་ལས་འདས་སོ།། དེ་ལྟར
105a7 ན་དམ་པའི་ཆོས་བསྲུང་བའི་འབྲས་བུ་ནི་དཔག་ཏུ་མེད་དེ། འབྲས་བུ་རྣམ་པར་དག་པ་དེས་ན། ངའང་རྨ་བྱ་མདོངས་རི་མོ་ཅན་མང་པོས་བརྒྱན་པ་ལྟ་བུར་གྱུར་ཏེ། མི་ཤིགས་པའི་སྐུ་དང་། ཆོས་ཀྱི་སྐུ།
iiif viewer powered by OpenSeadragon
