| e-texts navigator |
| Wylie |
102b1 རྣམ་པར་རྟོག་པ་མེད་པ། འདུས་བྱས་ཀྱི་རྣམ་པར་རྟོག་པའི་གནས་མེད་པ། འཕེལ་བ་མེད་པ། འགྲིབ་པ་མེད་པ། གཞལ་དུ་མེད་པ། གཞལ་དུ་མེད་པ་མ་ཡིན་པ། ནོག་རྣོབ་མ་ཡིན་པ། མཆོད་དུ།
102b2 མེད་པ། མཆོད་དུ་མེད་པ་མ་ཡིན་པ་སྟེ། དེ་ལྟར་དེ་བཞིན་གཤེགས་པའི་སྐུ་ནི་ཡོན་ཏན་དཔག་ཏུ་མེད་ཅིང་། བསམ་གྱིས་མི་ཁྱབ་པ་དང་ལྡན་པ་ཡིན་ལ། སུས་ཀྱང་མ་ཤེས། མ་མཐོང་། མ་ཐོས། བྱེ
102b3 བྲག་མ་ཕྱེད། རྣམ་པར་མ་ཤེས། ཡོད་པ་མ་ཡིན་པ། ཚིག་ཏུ་བརྗོད་དུ་མི་རུང་བ། འཇིག་རྟེན་གྱི་ཁོངས་སུ་མ་འདུས་པ། རྒྱུ་ལས་ཀྱང་མ་བྱུང་། རྒྱུ་མེད་པ་ལས་ཀྱང་མ་བྱུང་བ། སྐུ་དེ་ནི་ཐར
102b4 ཅད་དུ་རྣམ་པར་རྟོག་པ་དང་། རྣམ་པར་རྟོག་པ་མེད་པའི་མཚན་ཉིད་རྣམས་དང་། མཚན་གྱི་གཞི་དང་། མཚན་དང་། བགྲང་བ་དང་། བསྒྲེ་བ་རྣམས་ཀྱིས་རྣམ་པར་རིག་པར་བྱེད་མི་ནུས་ལ
102b5 མྱ་ངན་ལས་འདའ་བར་གཤེགས་པའང་མ་ཡིན། མི་གཤེགས་པའང་མ་ཡིན་ཏེ། དེ་བཞིན་གཤེགས་པ་ནི་ཡོན་ཏན་དཔག་ཏུ་མེད་པ་དང་ལྡན་ནོ།། འོད་སྲུངས་ཆེན་པོ་དང་རུས་གཅིག་པ།
102b6 བཞིན་གཤེགས་པའི་སྐུ་ནི་དེ་བཞིན་གཤེགས་པ་ཉིད་ཀྱིས་མཚན་མའི་དངོས་པོ་རྣམས་ཀྱི་སྒོ་ནས་ཐུགས་སུ་ཆུད་པར་སྤྱོད་ཀྱི། ཉན་ཐོས་དང་རང་སངས་རྒྱས་ཐམས་ཅད་ཀྱིས་ནི་མི་ནུས་སོ།། དེ་བཞིན
102b7 གཤེགས་པ་དེ་ལྟ་བུའི་ཡོན་ཏན་དང་ལྡན་པ། ཤའི་སྐུ་མ་ཡིན་པ་ལ་ཁམ་པའི་སྣོད་བཞིན་དུ། ནད་དམ། གནོད་པ་འམ། འཇིག་པར་ག་ལ་འགྱུར། འཇིག་པ་དང་། ན་བ་དང་། མྱ་ངན
iiif viewer powered by OpenSeadragon
