| e-texts navigator |
| Wylie |
100b1 ནང་ན། ཤིང་ལྗོན་པའི་གྲིབ་མ་ཤའི་མིག་གིས་མ་མཐོང་བ་དེ་བཞིན་དུ། དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་པས། རྟག་པ་དང་། བརྟན་པ་དང་། ཐེར་ཟུག་པ་ཡིན་བཞིན
100b2 དུ། མཚན་མོ་མུན་པའི་ནང་ན། ཤིང་ལྗོན་པའི་གྲིབ་མ་ལྟར་མི་སྣང་བ་ལྟར། སེམས་ཅན་རྣམས་དེ་བཞིན་གཤེགས་པ་མོ་རྟག་གོ་སྙམ་དུ་ཡོངས་སུ་རྟག་གོ།། གལ་ཏེ་ད་དང་། ཆོས་དང་། དགེ
100b3 འདུན་རྟག་པའི་འདུ་ཤེས་ཁྱོད་ཀྱི་ཕ་མ་ལ་མེད་ན། གསུམ་ལ་སྐྱབས་སུ་འགྲོ་བ་མ་དག་གོ་ཞེས་ང་ཟེར་རོ།། ཕ་མ་ལ་གཉིས་ལ་གཞི་གསུམ་རྟག་པར་བསྟན་ན་ནི། བྱང་ཆུབ་སེམས་དཔའ་སེམས་དཔའ
100b4 ཆེན་པོ་གསུམ་ལ་སྐྱབས་སུ་སོང་བའི་དགེ་བསྙེན་ཞེས་བྱ་བའི་མིང་ཁྱོད་ཀྱིས་ཐོབ་པར་འགྱུར་རོ། ། གསོལ་པ། དེང་སླན་ཆད་བདུན་རྒྱུད་ཀྱི་རིགས་ཚུན་ཆད་དང་། ཕ་མ་གཉིས་ལ། བཅོམ་ལྡན་འདས
100b5 ཆོས་དང་དགེ་འདུན་རྟག་གོ་ཞེས་བགྱི་བར་འཚལ་ལོ། ། ཀྱེ་མ་སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་བོ་ཞེས་ཀྱང་བསླབ་པར་འཚལ་ལོ།། གཞན་དག་ལའང་བསྟན་པར་འཚལ་ལོ།།
100b6 གང་དག་བདག་གིས་བསྟན་པ་ལྟར་མི་འཛིན་ཅིང་། མི་རྟག་པར་སྨྲ་བའི་སེམས་ཅན་ངན་པ་དེ་དག་ལ་ནི་བདག་གིས་སེར་བ་བཞིན་དུ་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལག
100b7 སོ་ལེགས་སོ། ། དམ་པའི་ཆོས་བསྲུང་བའི་རིགས་ཀྱི་བུས་ནི་དེ་ལྟར་བྱ་དགོས་ཏེ། རིགས་ཀྱི་བུ་ཁོད་ལེགས་སོ།། དེ་ལྟར་ན་འཚེ་བ་མེད་ལ་ཞུགས་པ་ཡིན་ཏེ། འཚེ་བ་མེད་པའི་ལས་ཀྱི་འབྲས་བུ
iiif viewer powered by OpenSeadragon
