| e-texts navigator |
| Wylie |
100a1 བ་ནི་ཁྱོད་ཀྱི་ཡུལ་ཡང་མ་ཡིན་གྱིས། སངས་རྒྱས་བཅོམ་ལྡན་འདས་ནི་ཐབས་བསམ་གྱིས་མི་ཁྱབ་པའི་སྐུ་ཡིན་ནོ་སྙབ་དུ་ཁྱེད་ཀྱིས་གནས་པར་གྱིས་ཤིག། རིགས
100a2 ཀྱི་བུ་ཆོས་དང་དགེ་སློང་གི་དགེ་འདུན་ལའང་རྟག་པའི་འདུ་ཤེས་ཡང་དང་ཡང་དུ་སྐེམ་པར་གྱི་ཤིག། གཞི་གསུམ་ལ་ཐ་དད་པར་མ་བྱེད་ཅིག། མི་རྟག་པ་འམ། མ་བརྟན་པ་འམ། ཐེར་ཟུག
100a3 པ་མ་ཡིན་པ་འམ། ཞི་བ་མ་ཡིན་པའམ། ཐར་པ་མ་ཡིན་པའི་རྣམ་པར་ཡང་མ་སྒོམས་ཤིག། རིགས་ཀྱི་བུ་འམ། རིགས་ཀྱི་བུ་མོ་གང་དག་གཞི་གསུམ་གྱི་བདག་ཉིད་ཆེན་པོ་ལ་དེ་ལྟར་མི
100a4 སྒོམ་པ་དེ་དག་སྐྱབས་སུ་འགྲོ་བ་ནི་དག་པ་ཡིན་ནོ་ཞེས་ང་ཟེར་རོ། ། དེ་ལྟར་ན་རྟག་པ་བསྒོམ་པ་ན། བསམ་གྱིས་མི་ཁྱབ་སྟེ། རིགས་ཀྱི་བུ་དཔེར་ན་ཤིང་ཡོད་ན་གྲིབ་མ་ཡོད་ཀྱི། ཤིང་མེད་ན་གྲིབ་མ
100a5 མེད་པ་དེ་བཞིན་དུ། དེ་བཞིན་གཤེགས་པ་རྟག་པ་དང་སྐྱབས་སུ་འགྱུར་གྱི། གལ་ཏེ་མི་རྟག་ན། ལྷ་དང་མི་རྣམས་ཀྱི་སྐྱབས་སུ་འོས་པ་མ་ཡིན་ནོ།། གསོལ་བ། བཅོམ་ལྡན་འདས་ཅི་ལགས
100a6 མཚན་མོ་མུན་པའི་ནང་ན། ཤིང་ལྗོན་པའི་གྲིབ་མ་སྣང་ཞེས་བགྱིའམ་མི་སྣང་ཞེས་བགྱི། བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། ཤིང་ལྗོན་པ་ཡོད་པའི་གྲིབ་མ་ཅིའི་ཕྱིར་མེད
100a7 ཅེས་བརྗོད་པར་བྱའོ། ། དེ་ལྟ་མོད་ཀྱི་ཤའི་མིག་གིས་ནི་མི་མཐོང་སྟེ། དེ་བཞིན་དུ་དེ་བཞིན་གཤེགས་པའང་རྟག་པ་དང་། བརྟན་པ་དང་། ཐེར་ཟུག་པ་ཡིན་ཏེ། ཐེར་ཟུག་པ་ཡིན་གྱིས་ཀྱང་། མཚན་མོ་མུན་པའི
iiif viewer powered by OpenSeadragon
