| e-texts navigator |
| Wylie |
398b1 ལ་བཟོད་པའང་མྱུར་དུ་ཐོབ་པར་མི་འགྱུར་རོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ།། ངོ་མཚར་ཏོ།། བཅོམ་ལྡན་འདས།།
398b2 ལེགས་པར་གསུངས་སོ།། བཅོམ་ལྡན་འདས་བདག་གིས་ད་སླན་ཆད་དེ་ལྟ་བུའི་ནོངས་པ་རྣམས་སྤང་བར་དགྱིའོ།། དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བསྐལ་པ་བྱེ་བ
398b3 ཁྲག་ཁྲིག་བརྒྱ་སྟོང་གྲངས་མ་མཆིས་པར་བསྒྲུབས་པ་འདི་བསྲུང་བར་བགྱིའོ། ། གཟུང་བར་བགྱིའོ།། མ་འོངས་པའི་རིགས་ཀྱི་བུ་པོ་དང་། རིགས་ཀྱི་བུ་མོ་སྣོད་དུ་གྱུར་པ་དེ་དག་ལ་མདོ་སྡེ་འདི་ལྟ་བུ་ལག
398b4 ཏུ་སོན་པར་བགྱིའོ། ། དྲན་པ་དག་གིས་མདོ་སྡེ་འདི་འདྲ་བའི་མདོ་སྡེ་འདི་ལྟ་བུ་ལ་མོས་པ་དང་། འཛིན་པ་དང་། འཆང་བ་དང་། ཀུན་ཆུབ་པ་དང་། འཛུད་པ་དང་། འདྲི་བ་དང་། གཞན་ལའང་རྒྱ་ཆེར
398b5 འཆད་པར་འགྱུར་བའི་དྲན་པ་ཉེ་བར་གཞག་པ་བསྒྲུབ་པར་བགྱིའོ། ། བཅོམ་ལྡན་འདས་བདག་གིས་དེ་དག་བརྟན་པར་བགྱིའོ།། བཅོམ་ལྡན་འདས་དེའི་དུས་ན་འདི་ལྟ་བུའི་མདོ་སྡེ་ལ་མོས་པ་དང་། འཇུག
398b6 པ་དེ་ནི་བཅོམ་ལྡན་འདས་བྱམས་པ་བྱང་ཆུབ་སེམས་དཔའི་བྱིན་གྱི་རླབས་ལགས་པར་རིག་པར་བྱའོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་བྱམས་པ་ལ་ལེགས་སོ་ཞེས་བྱ་བ་བྱིན་ཏེ།
398b7 ལེགས་སོ་ལེགས་སོ།། བྱམས་པ་ཁྱོད་ཀྱི་ཚིག་དེ་ནི་དགེ་བར་སྨྲས་ཏེ། དེ་བཞིན་གཤེགས་པའང་ཁྱོད་ཀྱི་དགེ་བར་སྨྲས་པ་དེ་ལ་རྗེས་སུ་ཡི་རང་བཞིན་སྣང་བ་ཡིན་ནོ།། དེ་ནས་བྱང་ཆུབ་སེམས་དཔའ་དེ་དག་གིས་དཔྱ
iiif viewer powered by OpenSeadragon
