| e-texts navigator |
| Wylie |
398a1 ཚངས་པར་སྤྱད་པར་རིག་པར་བྱའོ། ། བྱམས་པ་དེ་ལ་ལས་དང་པོ་པའི་བྱང་ཆུབ་སེམས་དཔའ་ནི་རྒྱུ་གཉིས་ཀྱིས་བདག་ལ་རྨ་འབྱིན་ཏེ། ཆོས་ཟབ་མོ་ལ་ངེས་པར་སེམས་པར་མི་འགྱུར་རོ།།
398a2 གཉིས་གང་ཞེ་ན། སྔོན་མ་ཐོས་པའི་མདོ་སྡེ་ཟབ་མོ་ཐོས་ན་སྐྲག་ཅིང་ཐེ་ཙོམ་དུ་གྱུར་ནས་རྗེས་སུ་ཡི་རང་བར་མི་བྱེད་ཅིང་། འདི་ལྟ་སྟེ། བདག་ཅག་གིས་སྔོན་མ་ཐོས་ན། དེ་གང་ནས་འོངས་ཞེས་སྤོང་བར་བྱེད་དོ།།
398a3 རིགས་ཀྱི་བུ་གང་དག་མདོ་སྡེ་ཟབ་མོ་འཛིན་པ་དང་། ཆོས་ཟབ་མོའི་སྣོད་དུ་གྱུར་པ་དང་། ཆོས་ཟབ་མོ་སྟོན་པ་དེ་དག་ལ་མི་སྟེན་མི་འགྲོགས། བསྙེན་བཀུར་མི་བྱེད་ཅིང་། དེ་དག་ལ་བསྟི་སྟང་མི
398a4 བྱེད་པར་གྱུར་ཏེ། བར་བར་དུ་དེ་དག་ལ་མི་སྙན་པར་ཡང་བརྗོད་དོ།། རྒྱུ་དེ་གཉིས་ཀྱིས་ལས་དང་པོ་པའི་བྱང་ཆུབ་སེམས་དཔའ་བདག་ཉིད་ལ་རྨ་འབྱིན་ཏེ། ཆོས་ཟབ་མོ་ལ་ངེས་པར་མི་རྟོག་གོ།
398a5 རྒྱུ་གཉིས་ཀྱིས་ཟབ་མོ་ལ་མོས་པ་བྱང་ཆུབ་སེམས་དཔའ་བདག་ཉིད་ལ་རྨ་འབྱིན་ཏེ། མ་སྐྱེས་པའི་ཆོས་ལའང་བཟོད་པ་ཐོབ་པར་མི་འགྱུར་རོ།། གཉིས་གང་ཞེ་ན། ལས་དང་པོ་བསྤྱད་ནས།
398a6 རིང་པོ་མ་ལོན་པའི་བྱང་ཆུབ་སེམས་དཔའ་རྣམས་ལ་བརྙས་ཤིང་ཁྱད་དུ་གསོད་དེ་འཛིན་དུ་མི་འཇུག། མི་བྱེད་མི་སྟོན་པ་དང་། གང་ཟབ་མོ་ལ་ཤིན་ཏུ་དད་པས་བསླབ་པ་ལ་རི་མོ་བྱེད་ཅིང་། འཇིག་རྟེན་གྱི
398a7 ཟང་ཟིང་སྦྱིན་པས་ནི་སེམས་ཅན་རྗེས་སུ་འཛིན་གྱི། ཆོས་ཀྱི་སྦྱིན་པས་མ་ཡིན་ཏེ། བྱམས་པ་ཟབ་མོ་ལ་མོས་པའི་བྱང་ཆུབ་སེམས་དཔའ་རྒྱུ་འདི་གཉིས་ཀྱིས་བདག་ཉིད་ལ་གནོད་པར་འགྱུར་ཏེ། མི་སྐྱེ་བའི་ཆོས
iiif viewer powered by OpenSeadragon
